Las fòrmas ancianas son Chalapnacum, latinizacion dau segle XIII, Chalanhacum, autra latinizacion a la fin dau segle XV, Chalaignac, francizacion dau segle XVIII[1]. La prononciacion es [ɕɒlɒ’ɲa][2]. I a pas de discussion sus la finala -ac, de -acum, fòrma latinizada dau sufixe gallés -ācon, associada a un nom de propietari. Aqueu nom pòt èsser *Calanius, derivat de Calanus (*Calanacum auriá donat *Chalanac e pas Chalanhac), segon Tanet e Hordé, puei lo site de las comunas de Dordonha, o lo nom latin Calinius, segon Dauzat (après Petar Skok), mas que demanda una assimilacion vocalica (i > a)[1],[2],[3]; pasmens Delamarre pensa que *Calinos pòt èsser eventualament celtic[4].
Comunas de Dordonha en Guiana (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg){kind=small}
