La prononciacion es [luʂigu’le] [1]. Las fòrmas ancianas son Sigolès, sense data, Le Sigoullès en 1650, Le Sigoulès a la fin del sègle XIX [2]; la mapa de Cassini, a la fin del sègle XVIII, pòrta emb la bona dubertura d'accent, Le Sigoulés[3]. Lo Sigolés vendriá d'una varianta de l'occitan segal, segòl, sigòl, del latin secale, emb lo sufixe -és, del latin -ensem; lo sens seriá de « tèrra bona pel sigòl, paura »[2],[1].
Lestinhac (nom supausat)
Anciana parròquia situada a l'oèst-nòrd-oèst del Sigolés.
Las fòrmas ancianas son Lestignac en 1395, Lestiniac en 1643, L'Estignac al sègle XVIII [mapa de Cassini] [2]. Lestinhac vendriá d'un nom « galloroman » d'òme, *Lestineus (inatestat), sigut del sufixe -acum[2],. Per Lestiac (Gironda), nom qui a coneissut la tombada de -n- intervocalica, Bénédicte Boyrie-Fénié dona Lestinus, atestat, a costat de derivats inatestats de Lastus (Dauzat) o de Lestus (Negre), totjorn emb lo sufixe -acum[4], çò qui laissa per Lestinhac d'autras possibilitats de noms latins (*Lestinius, inferit de Lestinus, *Lastinius, de Lastus).
Pertús (nom supausat)
Luec situat al sud del Sigolés, qu'èra pas parròquia a la fin del sègle XVIII (mapa de Cassini).
Lo nom es atestat Parochia de Percusio al sègle XIV (falsa latinizacion per *Pertusio ?). Lo sens de pertús es de « trauc, passatge » [2], mas la mapa non permet gaire de n'en assegurar la versemblança topografica (luec situat sus un travèrs, a mièja penda).
De 2003 al 1èr de genièr de 2017, Lo Sigolés èra capluèc de la comunautat de comuna dels tuquets del Sigolés (SIREN 242401255). Desempuèi es dins la Comunautat d'Aglomeracion Brageiraguesa.
Comunas de Dordonha en Guiana (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg)
.svg){kind=small}
