La prononciacion es [ʣavar’ʎa][1]. Las fòrmas ancianas son Javerlhac en 1264, Javerlac en 1288[2]. Javerlhac ven d'un nom gallic d'òme, Gabrielis, derivat de Gabrius (Chantal Tanet e Tristan Hordé), Gabrillus, derivat de Gabrus, chafre d'après gabros, « chabra » (Dauzat), Gabrelius o Gabrilus (site de las comunas de Dordonha) emb lo sufixe -acum[2],[3],[1], latinizacion dau sufixe celtic -ācon. Javerlhac èra la propietat de Gabrielis, de Gabrillus, de Gabrelius o de Gabrilus.
La Chapela Sent Robert
La prononciacion es [laʦa’peːlɒ] [sɛ̃nru’bar][1]. Lo nom es atestat en 1330, Capella Sancti Roberti.
Lo mot chapela aguet los sens successius de « partida de la gleisa de Tors que gardava lo manteu, la cappa, de Sent Martin, de « partida de gleisa emb un autar segondari », puei de « pitita gleisa » [4]; chapela se pòt comprener coma « gleisa » d'un luòc qu'a pas lo títol de paròfia[5].
Sent Robert. La gleisa romanica es la d'un priorat benedictin dau segle X, que dependiá de l'abadia de Visoas, puei de La Chaa Dieu. Lo nom de Sent Robert es liat a quela darriera abadia, que fondet[2].
Istòria
Aquesta seccion es voida, pas pro detalhada o incompleta. Vòstra ajuda es benvenguda !
Comunas de Dordonha en Guiana (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
![A mança: L'egleisa de Sent Estefe[6] A drecha: Lo chasteu.](Fichi%C3%A8r:%C3%89glise_Saint-%C3%89tienne_et_le_ch%C3%A2teau_de_Javerlhac.jpg)
.svg){kind=small}
