Las fòrmas ancianas son Apsacum, en latin, au mieg dau segle XII, Abzacum, en latin, en 1158, Ajac au segle XVIII, Abjat en 1760[2]. Ajac ven d'un nom latin d'òme, Apicius (Dauzat, Chantal Tanet e Tristan Hordé) o Avitius (Chantal Tanet e Tristan Hordé, lo site de las comunas de Dordonha), emb lo sufixe -acum[2],[3],[1], latinizacion dau sufixe celtic -ācon. Ajac èra la propietat d'Apicius o d'Avitius. N.B. Avitius + ācon auriá donat *Ausac o Avesac (pus au sud); en Perigòrd,-v- se seriá normalament vocalizat e seriá pas pareissut coma -p- o -b-.
Aubaròcha
Lo determinant Aubaròcha es lo nom d'una anciana chastelaniá que s'espandiá sus 15 paròfias. Es una formacion occitana, de auba, « blanca », dau latin albus, alba, e ròcha, d'un preceltic *rocca passat en occitan, que finiguèt per préner lo sens de « chasteu », a causa de l'emplaçament daus chasteus fòrts[4].
Bausenç
Escrit Bauzem sus la mapa de Cassini.
Segon Chantal Tanet e Tristan Hordé, lo nom derivariá de l'occitan bauç « escarpament », d'origina preceltica[2].
Istòria
En 1793, la comuna de Bauzans (aura Bauzens) fusionet emb Ajac[5].
Comunas de Dordonha en Guiana (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.JPG)
.svg)
.JPG)
.svg){kind=small}
