Pentref bychan yng nghymuned Cadfarch, Powys, Cymru, yw Derwen-las[1] (hefyd Derwenlas). Saif yn ardal Maldwyn, ar briffordd yr A487 tua 2 filltir i'r de-ddwyrain o dref Machynlleth, ar lan Afon Dyfi.
Yn y gorffennol bu Derwen-las yn borthladd ar gyfer Machynlleth. Yn 1859 agorwyd Tramffordd Corris, Machynlleth ac Afon Dyfi (Corris, Machynlleth and River Dovey Tramroad) i gludo llechi o chwareli Corris ac Aberllefenni i'r ceiau yn Nerwen-las, yn cynnwys Cei Ellis a Chei Tafarn Isa, lle cawsant eu llwytho ar longau arfordirol.
Cynrychiolir yr ardal hon yn Senedd Cymru gan Russell George (Ceidwadwyr)[2] ac yn Senedd y DU gan Craig Williams (Ceidwadwr).[3]
Cyfeiriadau
