I a pas de fòrmas ancianas, mas un omonime, Salhac (Corresa), es atestat Saliaco en 1154. La prononciacion es [sa'ja] [2].
Segon Dauzat e Rostaing, Marcel Villoutreix, Ives Lavalada, lo nom de Salhac deriva d'un nom d'òme gallo-roman, Salius, e dau sufixe -acum[3],[4],[2].
Mas Negre e Delamarre chausisson lo nom celtic Sagillios, derivat en -ācon (Delamarre) [5],[6]. Los dos etimes son possibles segon las leis d'evolucion fonetica.
Salhac donc una propietat rurala d'origina galloromana, o, çò pus mens, de l'Antiquitat tardiva. La finala en -at dau nom francés correspond a una evolucion fonetica de -ac (t es una oclusiva sorda coma c), davant l'amudiment de la consonanta. I a totplen de comunas lemosinas o auvernhassas que lor nom oficial es en -at, eretièr de -acum. Se tròba enquera d'exemples de noms en -ac prononciats -at en Gironda e Òut e Garona, etc.
Istòria
Salhac era pas paròfia au segle XVIII [7].
[La comuna industriala de] Salhac e [la comuna agricòla de] Chalhac se separeren en 1928 [8].
.svg)
.svg){kind=small}
