Las fòrmas ancianas son : Agentum en 958, Aient davant 1100, Ainnum vers 1000, Aiennensis vers 1100, Aentensis en 1174-1176, Agentum sens data, Aentimonasterium sens data, Exmonasterium sens data etc. La prononciacion es [ejmuˈtiː] [2].
Segon Dauzat, Aimostier es 'na contraccion de Agentum, nom de luòc gallic, e dau latin monasterium. 'Quò's pas segur que Aimostier (Charanta) aja la mesma origina. Per Agen, gallic *aginn, pueg, autura, benleu preceltic [3].
Segon Negre, lo nom vendria d'un nom germanic d’òme Ainthis, emb monasterium[4]. Aberrant.
Ives Lavalada explica lo nom per Agentum, probablament prelatin, de *aginn (autura, tuca, pueg) e dau [latin] monasterium, « monastier »[2]. Xavier Delamarre explica Agen, benlèu Aient, Ayn (Savòia), per aginnon, propietat d’*Aginnos, inatestat [5].
Istòria
En 1829, Bussy-Varache e Saint-Pierre-Château (noms francés) fugueron incorporats a Aimostier [6]. Lo prumier es a l'oest de la vila, lo segond au sud-est, plan près (probablament un barri d'Aimostier). En 1806, son recensats emb Aimostier.
.jpg)
.svg){kind=small}
