Las fòrmas ancianas son Rialhac en 1217, Rielhac près Beaune en 1416, Rilhac près Ambazac. Apelada Rilhac-Rancon a la fin dau segle XVII : paròfia dependenta de [l'archipreirat] de Rancom. La prononciacion es ['ɾiʎa] [2],[3]. Beaune es Beuna, anciana comuna fusionada emb Limòtges e situada au nòrd-oèst de Rilhac.
Tots los autors accèptan lo sufixe -acum, latinizacion de la derivacion celtica -ācon. Las divergéncias concernissen lo nom d'òme associat.
Segon Dauzat e Rostaing, queu nom es lo latin Regilius o Regulius[4]. Segon Negre, quò's Regulius
[5]. Marcel Villoutreix chausís Regalis[6]. Ives Lavalada laissa a chausir entre lo nom galloroman d'òme Rialius, dau gallic rialo, « aimable », Regilius e Regalis. Aima mai la prumiera solucion [2] [cf. las fòrmas de 1217 e 1416]. Delamarre parla pas de Rilhac[7], mes cita lo nom celtic de persona Rialus[8]; *Rialius es acceptable (seriá lo filh de Rialus : lo sufixe adjectivau -io- serviá de sufixe patronimic [9]).
.svg){kind=small}
