Lo canton d'Embasac es una anciana division administrativa de Lemosin, aura devenguda mas que circonscripcion electorala, situada dins l'arrondiment de Limòtges, lo departament de Nauta Viena e la region de Novela Aquitània, ancianament de Lemosin. Dempuei la refòrma cantonala de 2014, aplicada en 2015, lo canton a perdut doás de sas comunas e n'a ganhat autras onze. La lenga autoctòna es l'occitan lemosin, dins sa varianta nauta lemosina.
N.B : la populacion donada dins l'infobox es la de l'ancian canton, davant 2015, e la densitat son faussas.
Composicion davant 2015
La superficia dau canton èra de 209,20 km e sa densitat de populacion èra de 77 ab/km² en 2010.
En 1801, quand lo nombre daus cantons fuguet deminjat, lo canton d'Embasac fuguet conservat e ganhet tres comunas, los Bilanges e Sent Laurenç l'Egleisas, qu'èran dau canton de Sauviac, suprimit, e Sint Sauvestre, qu'èra dau canton de Comprenhac, tanben suprimit [1].
En 2014, quand fasqueron una refòrma cantonala, lo canton d'Embasac perdet las (gròssas) comunas de Rilhac (Rancom) e de Sent Prech, mas ganhet autras onze comunas. Lo canton, vengut simpla circonscripcion electorala, passet entau de cinc a setze comunas. Mes la populacion dau canton chamnhet gaire : perda de doas comunas importantas, ganh de onze comunas ruralas.
Per un decret dau 5 de març de 2020, en seguda de la creacion de la comuna novela de Sent Perdos dau Lac, l'anciana comuna de Sent Perdos passet dins lo canton de Belac, entau coma las autras doas ancianas comunas, Rossac e Sent Aforian. Lo canton d'Embasac passet adonc de setze a quinze comunas. Sent Perdos èra dejà dins l'arrondiment de Belac.
