Las fòrmas ancianas que son Morcencz (Sanctus Petrus de ~), aus sègles XI e XII, Morsenx (prumèra mieitat deu sègle XIV, Morsens (mapas de 1638, 1647, 1714 e 1733). La prononciacion locau qu'es [mur'sœns] [2].
Dauzat e Rostaing que supausan Morcens que vien benlèu d'un nom germanic d'òmi Mauricho, damb lo sufixe germanic -ing[3]. Negre , citat per Bénédicte Boyrie-Fénié, que causeish lo tipe muro cinctus, « entornejat d'un barri », qui malurosament es exclusivament francés. Que's cau benlhèu virar, shens certitud, decap au nom latin Murtius, « de Vènus Murtia » (la nèrta o mirta, myrtus o murtus en latin, qu'èra consacrada a Vènus), damb lo sufixe latin -ense, crotzat damb lo sufixe prelatin -enc[2]. Morcens qu'èra donc benlhèu ua anciana grana propietat antica qui avèva per mèste Murtius. Cf. Murçan, damb un aute sufixe.
Quan lo camin de hèr qu'arribè e qui se botè en servici la gara de Morcens le 12 de noveme 1854, que neishè lo quartièr de la Gara qui despassè lo borg en 1886, e mèi que vengó canton lo 31 de març 1888, a la plaça d'Arjusan.
Abans la refòrma cantonala de 2014, aplicada en 2015, la comuna qu'èra deu canton de Morcens; qu'es adara deu canton de Pays morcenais tarusate (en francés).
Comunas delas Lanasde Gasconha (comunas actualas, comunas que caupon de comunas delegadas, ancianas comunas, ancianas comunas vengudas comunas delegadas)
.svg)
.svg){kind=small}
