La prononciacion qu'ei [mazə'rɔləs]. Las fòrmas ancianas que son Mazaroles en 1299, Mazeroles (mapa deu començament deu sègle XVIII), Maserolles (mapa de 1714), Mazerolles (mapa de 1733) [2].
Dauzat e Rostaing que hè de Maseròlas lo derivat deu latin maceria, « arroeinas, qui datan de l'epòca romana », dab lo sufixe diminutiu -ola[3].
Negre, citat per Bénédicte Boyrie-Fénié, qu'interprèta lo nom com lo plurau deu gascon maseròla, « escombres ». Astor, tanben citat per B. Boyrie-Fénié, que dona l'explicacion etimologica de Dauzat e Rostaing, en tot hèr de maceria un « mur de pèiras secas » e/o un derivat de mas; lo sens generau que seré d'un « domeni agricòla »[2].
L'etimologia qu'ei clara, mès lo sens que demòra enqüèra a precisar. Qu'an trobat dens la comuna vestigis de la segonda Edat de Hèr (B. Boyrie-Fénié, Carte Archéologique de la Gaule, 40, p. 103) çò qui va cap a un nom en relacion dab arroeinas anticas; lo sens que seré de « petits murs, arrooeinas »[2].
Comunas delas Lanasde Gasconha (comunas actualas, comunas que caupon de comunas delegadas, ancianas comunas, ancianas comunas vengudas comunas delegadas)
.svg){kind=small}
