La prononciacion qu'ei [py'ʒo lu'plaŋ]. Las fòrmas ancianas que son (per Pujòu) Poio (mapa de 1638), Poujo (mapa de 1651), Pujo (mapas deu començament deu sègle XVIII e de 1714), Puio (mapa de 1733); (per Lo Plan) Le Plã (mapa de 1638), Le Plan (mapas de 1714 e de 1733) [4].
Dauzat e Rostaing qu'explica Pujòu per lo latin podium, « lòc haut, tuc de la cima mei o mensh arredondida » dab lo sufixe diminutiu -eolum[5].
Per Negre, citat per Bénédicte Boyrie-Fénié, qu'ei lo gascon pujòu, pujò, « petit turon, tucolet ». Astor, tanben citat per B. Boyrie-Fénié, que's contenta d'escríver Pujòu ei ua fòrma diminutiva de pui[4] (fòrma deu nòrd-oèst de Gasconha).
Per Bénédicte Boyrie-Fénié, los noms que son d'interpretacion simpla [4]. Pujòu que vien d'un tipe podiolu, derivat de podiu. L'ocupacion deu sòu qu'ei anciana : vocable Sent Martin, vestigis d'ua grana villa galloromana aus Vinholets (nom supausat), descobèrta d'un important tresaur monetari. Bénédicte Boyrie-Fénié que considèra Pujòu ei antic [mès lo nom pujòu qu'ei estat viu longtemps après l'epòca romana]. Lo Plan qu'èra ua petita parròpia dens la ribèra de Ludon, un lòc planèr e lo nom qu'ei l'occitan plan, dab l'article qui senhala ua formacion medievala tardiva [4].
Istòria
Aquesta seccion es voida, pas pro detalhada o incompleta. Vòstra ajuda es benvenguda !
Comunas delas Lanasde Gasconha (comunas actualas, comunas que caupon de comunas delegadas, ancianas comunas, ancianas comunas vengudas comunas delegadas)
.svg){kind=small}
