Comuna de l'airal urban de Tolosa situada dins son pòl urban en banlèga Nòrd-Èst de Tolosa. Tota l'urbanizacion s'es concentrada a Fontsagrivas, caireforc sus l'anciana rota nacionala de Castras, vengut caplòc de la comuna, e Quint, çaquelà pus central, garda pas que qualques ostals.
Las fòrmas ancianas son de Quinto en 1142 [5],[6], Quinto en 1204 [7].
Segon Dauzat e Rostaing, puèi Jacques Astor, Quint ven del latin quintus, pr'amor de sa situacion a la cinquena milliara sus la viá romana Tolosa-Carcassona [5],[8].
Segon Negre, Quint es a 12 km a l’èst de Tolosa [en realitat, puslèu 11]. Ven benlèu del latin quintum (lapidem), la cinquena bòrna en utilizant las lègas galas, 2 222 m, mes Quint es pas a 5 milas de Tolosa, nimai sul camin grand Tolosa-Narbona[6].
Fontsagrivas
Abans Negre, Charles Lécrivain, Note sur l'étymologie de Fonsegrives, Bulletin de la Société archéologique du Midi de la France, tresena seria, tòme II, 1936, p. 240-241, utiliza per Fontsagrivas una recèrca de l’abat Chaume sus un Fonsegrive de Borgonha, que seriá un Fons sacriva (en bon latin, Fons sacrivus). L’abat Chaume s’apièja sul Canon 3 del Concili d’Aussèrra e sus Sent Alòi que condemna lo culte dels albres e de las fonts sacrats, en aplicant lo mot sacrivos, pas plan latin, pr'amor de la desinéncia en -iv-, segon C. Lécrivain e doncas supausat gallic. Segon Negre, l’etime es fontem (femenin) + sacriva, « sacrada » [9],[10]. Geoportail prepausa cinc Fonsegrive(s) dins l'oèst occitan. Sacriva deriva pas necessàriament del latin sacer. I a un sacro- celtic, « consacrat / maudit », tèrme de l'esfèra religiosa [11].
Istòria
Pendent l'Ancian Regime, Quint èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Tolosa. Le vocable de la glèisa es Sent Pèire. En 1790, Quint èra del canton de Tolosa; en l'an IX, del canton de Tolosa-sud, en 1973, de Tolosa-8. Quint prenguèc le nom de Quint-Fonsegrive per decret del 19 d'octobre 1992 [12].
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg){kind=small}
.svg){kind=small}
.svg){kind=small}
.svg){kind=small}
