Sent Joan le Nòu (L'Union en francés) es una comuna lengadociana del departament francés de la Nauta Garona e de la region d'Occitània, ancianament de Miègjorn-Pirenèus.
Geografia
Comuna de l'airal urban de Tolosa situada dins son pòl urban en banlèga Nòrd-Èst de Tolosa.
Accès
- Per l'autostada A68 sortida 01,
- Pel periferic Èst sortida 14.
Istòria
Las doás comunautats de Belbèze (Bèlvéser) e de Lacournaudric (etimologia evidenta La Cort n'Audric, La Cort (de) n'Audric = la proprietat del sénher Audric) venguèron, çò sembla, de comunas, puèi formèron per arrestat del directòri del departament del 12 de març 1791, una sola comuna, Saint-Jean-de-Kyrie-Eleison (del nom de la parròquia comuna, exactament Sent Joan Baptista). La Cort n'Audric èra situada al nòrd de la RN 88, Bèlvéser al sud. Saint-Jean-de-Kyrie-Eleison prenguèt lo nom de L'Union le 20 de nivôse an II (19 de genièr 1794). Per arrestat prefectoral del 4 de decembre 1868, L'Union fosquèc despartida en doás comunas L'Union (Sent Joan le Nòu) e Saint-Jean (Sent Joan le Vièlh). En 1790, lo canton èra de Tolosa, en l'an IX, Tolosa-centre, en 1973, Tolosa-15 [1](ara, Tolosa-9).
Belbèze o Belbèze-lès-Toulouse (doncas Bèlvéser o Bèlvéser de Tolosa), atal coma La Cournaudric (La Cort n'Audric) èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Tolosa. En 1790, las comunas èran del canton de Tolosa, fusionèron jol nom de Saint-Jean de Kyrie-Eleison, del nom de la parròquia, puèi L'Union en l'an II (1794) [2]
Le nom francés, L'Union, tira son nom de sas originas : la comuna foguèt constituida dins las annadas 1790 per la fusion dels masatges de Bèlvéser e de La Cort n'Audric.
Lo nom d'origina, popular e occitan es diferent : Sent Joan le Nòu.
Pendent la retirada d'Espanha de tropas napoleonianas jos los ordres del marescal Solt, lo territòri de la comuna foguèt lo teatre de combats entre aquelas tropas e las del duc de Wellington lançadas a lor perseguida, fins a se fixar a Bèlmont (batalha de Tolosa (1814)).
Administracion
Lista dels cònsols successius
| Periòde
|
Identitat
|
Etiqueta
|
Qualitat
|
| abril 2014
|
2020
|
divèrs esquèrra
|
|
|
| decembre 2008
|
2014
|
Georges Beyney
|
divèrs dreta
|
|
| octobre 2008 (eleccions annuladas)
|
decembre 2008
|
delegacion especiala
|
|
|
| 1972
|
octobre 2008
|
Georges Beyney
|
divèrs dreta
|
|
| abril 1953
|
1972 (defuntat)
|
Georges Chaumeton
|
divèrs dreta
|
|
|
|
1953
|
|
|
|
| Totas las donadas non son pas encara conegudas.
|
Demografia
Lòcs e monuments
- A Sent Joan le Nòu i a un olivièr millenari[3], sus la plaça de la vila.
- La Granda ala de Sent Joan le Nòu es una granda sala d'espectacle, lòc de forums o d'autres exposicions
- Sa glèisa ten una arquitectura tipica de sègle XIX.
Ligams extèrnes
Personalitats ligadas a la comuna
referéncias
- ↑ Dictionnaire des localités de la Haute-Garonne, p. 49 e 1 https://docplayer.fr/14783413-Dictionnaire-des-localites.html https://docplayer.fr/14783413-Dictionnaire-des-localites.html
- ↑ Dictionnaire des localités de la Haute-Garonne, p. 5, 13 e 1 https://docplayer.fr/14783413-Dictionnaire-des-localites.html https://docplayer.fr/14783413-Dictionnaire-des-localites.html
- ↑ fotos de l'olivièr millenar
.svg)
.jpg)
.svg){kind=small}
.svg){kind=small}
.svg){kind=small}
.svg){kind=small}