Le tipe Bèu (Bèl, Bèth...) + Mont qu'es ua formacion relativament recenta (l'atestacion pus anciana, per un aute lòc, que data de 845) [1]. L'adjectiu bèu- es pas gascon, que deriva deu francés beau o deu lengadocian bèl; l'istòria de la fondacion deu vilatge qu'explica benlèu aquera particularitat.
Istòria
Pendent l'Ancian Regime, Bèumont qu'èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa, de la senescaucia de Tolosa. En 1790, Bèumont qu'èra deu canton d'Autariba, en l'an VIII, que passè au canton de Sent Somplesi, en l'an X, que tornè au canton d'Autariba. Le nom oficiau que vengó Beaumont-sur-Lèze per decret deu 22 de junh 1921. Le vocable de la glèisa, qu'es Sent Marçau. Autas parròquias de la comuna : Saint-Pierre-de-Celles, Saint-Geniès de Ribonnet (noms franceses) [2] :
Saint-Pierre-de-Celles (Sent Pèir de Cèlas ?), anciana parròquia annèxa de Bèumont, meteissas apertenéncias [3];
(Saint-Geniès de) Ribon(n)et, anciana parròquia annèxa deu Haugar, meteissas apertenéncias. La glèisa Sent Geniès qu'estó desrocada deu temps de la Revolucion [4]. La mapa Cassini precisa pas que Ribonet es ua parròquia annèxa. Sus la mapa actuala, demòra pas qu'un castèth deu nom de Ribonnet, suus tuquets énter Bèumont e Le Haugar. La comuna efemèra de Saint Amans-et-Ribonet, creada en 1790, qu'estó suprimida en l'an VIII (Sent Amanç es dens Murèth[5], probable que despartigón aquera comuna enter sas vesias).
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg)
.svg){kind=small}
.svg){kind=small}
.svg){kind=small}
.svg){kind=small}