Lo vilatge es conegut per lo masèl dels inquisitors del catarisme. Lo 28 de mai de 1242, lo tribunal d'Inquisicion, dirigit per Guilhèm Arnaut e Estève de Sant Tibèri se teniá dins la ciutat. Los òmes dirigits per Pèire Rogièr de Mirapeis e ajudats pels abitants d'Avinhonet, massacrèron al dormir los inquisitors e sas gents, amb de pigassas, ne tuant onze. Foguèt un dels darrièrs actes de resisténcia abans lo sètge de Montsegur.
Pendent l'Ancian Regime, Avinhonet èra de la diocèsi civila de Sant Pàpol, doncas de la província de Lengadòc, de la generalitat de Tolosa, de la diocèsi de Sant Pàpol e de la senescauciá de Lauragués. En 1790, Avinhonet èra caplòc de canton, en l'an IX, del canton de Vilafranca. Le vocable de la glèisa es Nòstra Dòna. Avignonet venguèc oficialament Avignonet-Lauragais per decret del 22 de junh 1921 [5].
Dins la comuna actuala, i aviá autras tres parròquias del temps de l'Ancian Regime :
de la diocèsi de Tolosa, Daps o Dax (glèisa de Nòstra Dòna) [6];
de la diocèsi de Sant Pàpol e de la senescauciá de Lauragués, respectivament Sant Aciscle e Sant Breç [7].
Lo blat es la cultura principala de la plana de Lauragués dempuèi l'epòca galloromana. Mas es al sègle XV que lo pastèl rend la region rica. Mas l'indigòt venent d'America concurréncia lo pastèl e lo blat tornèt èsser la ressorsa principala del país a partir del sègle XVI.
La glèisa de Nòstra Dòna dels miracles, començada en 1385 a un cloquièr octogonal amb una eleganta torreta de grases e coronada per una flècha gotica. Dedins, un quadre de 1631 remembra lo masèl del 28 de mai de 1242.
Le crosat d'Avinhonet e la Torre pebrièra de 1352.
Centrala eoliana de dètz eolianas N50 (de 800 kW e de 50 m de diamètre), per una poténcia globala de 8 MW e doas novèlas eolianas installadas en febrièr de 2008.
Nòtas e referéncias
↑Pojada, Patrici (2009). Repertòri toponimic de las comunas de la region Miègjorn-Pirenèus. Nouvelles Éditions Loubatières. ISBN 978-2-86266-573-3.
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg)
.svg){kind=small}
.svg){kind=small}
.svg){kind=small}
.svg){kind=small}