Limits geografics (en rog) e geologics (en magenta) de la montanha Negra
La montanha Negra es partejada entre quatre departaments, Aude e Tarn essent los principals mentre que Nauta Garona e Erau ne son las broas. Lo massís, orientat èst-oèst presenta doas caras : le pendís nòrd escalabrós es cobèrt de bòsques escurs de casses, de faus, d'avets e de falses avets. La vila de Masamet es situada al pè d'aquel pendís. Lo pendís sud es mens abrupte e compren dos paîses principals :Cabardés al sud que s'esten entrò Carcassona, Menerbés a l'èst e una part de Lauragués a l'oèst. Nombroses endreches d'aquel costat permeton d'observar de panoramas bèls de la cadena pirenenca (Pradèlas Cabardés, Saissac, Cucçac de Cabardés).
Son ponch culminant es Nòra, a 1 210 mètres d'altitud dins lo departament d'Aude ; le suc es coronat d'una importanta antena TDF de 100 mètres. La montanha Negra es inclusa per part dins lo Pargue Natural Regional del Naut Lengadòc.
