La populacion de la comuna a gaireben qüadruplat entre 1962 e 2022, çò que s'explica de segur per la periurbanizacion tolosana, mes, s'òm compara ambe las comunas comparablas, ambe la causida municipala activa d'organizacion de construccion de lòtjaments (ostals individuals mai que mai). Son mai que mai al sud de la vila.
Le nom es atestat Bessieyras en 1428 [1].
Segon Dauzat, Becièras ven del gallic *betu, bettu, « beç, bèç », ambe'l sufixe -aria[2].
Segon Negre, Becièras ven de l'occitan bèç [varianta de beç], ambe'l sufixe collectiu « ièra », per un sens qu'es : « ensemble de beces » [3].
Segon Xavier Delamarre, lo nom inicial del beç en gallic sembla èsser betu, betua[4].
Çaquelà, J. Astor senhala que d'unas Becièras son en realitat de Vecièras, lòcs que las veças (garrofas) i son cultivadas. I a de supausadas becièras dins d'airals pedologicament inaptes a la preséncia del beç, que demanda de sòls acides [5]. Las fòrmas ancianas, anterioras al betacisme en Tolosan, fornidas per Émile Connac e pauc conegudas, pròvan qu'es atal : Vesseris, Vesseiras, Vice- (illegible), Veceras, Veceris, Vesceris, Veyssieras, Vessieres[6]. A Vessièras, cultivavan de veças.
Istòria
Pendent l'Ancian Regime, Becièras èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa, de la senescauciá de Tolosa. Le vocable de la glèisa es Sent Joan Baptista. En 1790, Becièras èra del canton de Vilamur, en l'an IX, del canton de Montastruc[7]; Becièras es ara tornat al canton de Vilamur aprèp dos sègles.
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.jpg)
.svg)
.svg){kind=small}
.svg){kind=small}
.svg){kind=small}
.svg){kind=small}
