Las fòrmas ancianas son Buset, Buseti, Bussetum, Buzetum, Buzet, sense data[3], castrum de Buzeto cap a 1204, Buset en 1344 [4], Buset en 1428 [5]. Émile Connac atribuís a Buset la mencion Vasucio[6]. Es una error e el-meteis l'atribuís a Basús en 1266 (pagina 220 de son tèxte).
Segon Dauzat, Buset ven de l'« ancian provençal » boza, buza, « bosa », ambe'l sufixe -ellum[7]. Le sufixe -ellum es valable sonque per Busèth (evolucion gascona).
Segon Negre, Buset ven del nom germanic de persona Bositto[4].
Bénédicte Boyrie-Fénié, a prepaus de Busèth (aqueste còp ambe'l sufixe vengut de -ellum), nòta que la proposicion de Dauzat a una febla acceptabilitat toponimica e que, per la de Negre, caldriá poder explicar le càmbiament del vocalisme de la sillaba iniciala ([o] > [y]) [8].
Istòria
Pendent l'Ancian Regime, Buset èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa, de la senescauciá de Tolosa. Le vocable de la glèisa es Sent Martin. Tanlèu 1790, Buset èra del canton de Montastruc. Lo nom oficial de Buzet-sur-Tarn fosquèc confirmat per decret del 18 de junh 1958. I aviá una autra parròquia dins Buset, Concas, de la diocèsi de Montalban e çaquelà de la senescauciá de Tolosa [9]. Lo vocable de la glèisa de Concas èra Sent Pèire [10]. Concas es delà Tarn, en direccion del nòrd-oèst.
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg)
![Buset de Tarn[2]](http://upload.wikimedia.org/wikipedia/commons/thumb/7/79/Brosen_windrose-fr.svg/120px-Brosen_windrose-fr.svg.png)
.svg){kind=small}
.svg){kind=small}
.svg){kind=small}
.svg){kind=small}
