Comuna de l'airal urban de Tolosa situada sus l'anciana RN622 e RN117 (ara l'autorota A64, partida shens peatge) a 35 km au sud de la vila sus la riba de Garona au jonhent dambe Aunat, au tèrme damb la comuna de Montaut
Las fòrmas ancianas que son Campezens en 944, Campacesum en 961, Capenhs, villa super Garonam, shens data [5], Villam quae vocatur Capenhs en 1081, Capenchis en 1373-85[6]. Le « terrador » [compréner benlèu la vigaria] qu'èra Campacesum vicaria en 961, Campazense ministerium en 925 [5]. Constatem que le nom de la vigaria se diferencia mau deu nom deu lòc.
Segon Dauzat, qui avè pas las fòrmas ancianas, Capens que vengueré d'un nom germanic d'òme *Kapo, varianta de Gabo (qui correspond auèi a Kapp), dambe'u sufixe germanic -ing(os) [7]. Segon Negre, Capens que s'explica benlèu peu nom « romanic » de persona Carpinius[6], contradictòri ambe las fòrmas ancianas hornidas quitament per l'autor. Le nom d'origina qu'es en Camp-.
Sentas
Lòc situat delà Garòna, mèi que mèi un castèth, atestat Sentas, ecclesia, en 1100 [8].
Istòria
Pendent l'Ancian Regime, Capens qu'èra de la diocèsi civila de Rius, doncas de la província de Lengadòc, de la generalitat de Tolosa, de la diocèsi de Rius, de la senescauciá de Tolosa. En 1790, Capens qu'èra deu canton de Noèr. La glèisa qu'es devath lo patronatge de Sent Estève [9].
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg)
.svg){kind=small}
.svg){kind=small}
.svg){kind=small}
.svg){kind=small}
