Las fòrmas ancianas son Leonaco, shens data, Launiaco en 1200[5], Laonacum en 1265, de Launaco après 1312 [6].
Segon Dauzat e J. Astor, Launac ven deu nom latin d'òme Lavenus, dambe'u sufixe -acum. La vocala intèrna -e- a desparegut pendent l'evolucion fonetica [7],[8].
Segon Xavier Delamarre, Lauenos [latinizat en Lavenus] es un nom celtic, atestat (i a tanben Lavin(us)). Derivat en -ācon explica Launac, la proprietat de Lauenos [9].
Segon Negre, Launac vendré deu nom « romanic » de persona Laco(n), dambe -acum[6]. Un -g- intervocalic latin despareish, mès un -c intervocalic se consèrva generalament en se mudant en -g-. L'explicacion de Negre a pauc de possibilitats de correspondre dambe la realitat.
Galembrun
Galembrun (o Galambrun ?) es escrit Gallambranum en 1389 (legir benlèu *Gallambrunum). Es ua bastida fondada le 14 de mai de 1290 per Isarn Jordan de l'Isla
[10].
Escrit Galambrun sus la mapa de Cassini.
Istòria
Pendent l'Ancian Regime, Launac èra de l'eleccion de Lomanha, donc de la província de Gasconha, de la generalitat d'Aush, de l'archidiocèsi de Tolosa, de la senescaucia de l'Tolosa. Le vocable de la glèisa es Sent Estève (Estèfe). Tanlèu 1790, Launac èra deu canton de Granada. Annexèn la comuna de Galembrun a Launac en 1791 [11]. Galembrun o Galambrun es a l'oèst-nòrd-oèst de Launac e consèrva sa glèisa e son cementèri.
Las informacions sus Galembrun son ambigúas suu Dictionnaire des localités de la Haute-Garonne : disen qu'èra de la parròquia de Launac e tanben qu'èra annèxa de Launac [la mapa de Cassini ha causir la segonda solucion]. La glèisa, annèxa de Launac donc, avèva Sent Bertomiu per patron. Pendent l'Ancian Regime, èra, logicament, de l'archidiocèsi de Tolosa e tanben de la senescaucia de Tolosa. Comuna deu canton de Granada en 1790, estó incorporada a Launac en 1791 [12]
Launac qu'ei lo lòc on s'escadó la famosa batalha de Launac on Gaston Febus obtiengó ua victòria decisiva suber lo camp deus Armanhac en mei d'ua victòria financiera mercés au gran nombre de presoèrs prestigiós qui avón de pagar redémers deus grans.
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
![[1]](http://mairie-launac.fr/wp-content/uploads/2011/11/flash_Mai_2013_Page_1.jpg){kind=link}