La senta onorada dens lo nom de Senta Alàusia es Sancta Eulalia, martirizada a Barcelona en 304, donc Senta Aulària de Barcelona. L'aferèsi, supression de la vocala iniciala del segond mot, E- d' Eulalia, remplaçada per la vocala finala del primièr, -a de Senta (Dauzat parla d'elision) [5], dona, en partent d' Eulàlia, Aulàlia[6]. Puèi, Aulàlia mena a Aulàsia per dissimilacion, probablament en mai d'una estapa, e Alàusia, per metatèsi vocalica (permutacion, escambi de la plaça de Au- e de -a-); l'òrdre de qualques eveniments es pas segur. Veire tanben Senta Aulària.
Boissa, coma Boissa (Perigòrd), ven del latin buxus, « bois », ambe'l sufixe ea[7].
Istòria
Aquesta seccion es voida, pas pro detalhada o incompleta. Vòstra ajuda es benvenguda !
Entre 1795 e 1800, Senta Alàusia annexèt Boissa[8], a l'èst de la comuna.
Abans la refòrma cantonala de 2014, aplicada en 2015, la comuna èra del canton de Castèlnau de Montratièr; es ara del canton de las Marchas del Sud Carcin.
Lo molin de vent de Boissa, bastit en 1813 per remplaçar lo de Cesac, qu'èra tròp sovent tocat del tronoire, es inscrit als Monuments Istorics dempuèi lo 2 de mai 1979; quitèt de foncionar abans la Segonda Guèrra Mondiala, puèi foguèt restaurat e se pòt visitar a l'estiu (de junh a setembre) [9].
↑Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 586, a St-Araille
↑Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 296, per Sentralha (Òut e Garona)
↑Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 91, a Boësse
.svg){kind=small}