Sent (Sant ?) Miard es un agiotoponime : es un nom de lòc que fa referéncia a un nom de sent. Se tracta de Sanctus Medardus (456 - 8 de junh 545), avesque de Noyon en Picardia (França), que son nom ven del germanic Math-hard[5]. En occitan, sonque la Gasconha occidentala e meridionala consèrva inalterat lo -d- intervocalic; endacòm mai, Medard es una fòrma sabenta. Una de las fòrmas occitanas d'origina populara (per evolucion normala) es Mesard (-d- intervocalic > -z-, grafiat -s-). Mai au nòrd, -z- intervocalica dispareis, çò que dona Meard e, per evitament de l'iatus, Miard, Merd, Mèrd, etc.