Lopiac, coma Lopiac (Gironda) e los autres Lopiac, ven d'un nom d'òme latin Luppius (Dauzat) o Loppius (Negre), ambe'l sufixe gallic (gallés, gal) -āco(n), latinizat en -acum[1],[2]. Lopiac èra donc probablament una anciana granda proprietat antica qu'aviá per mèstre Luppius o Loppius. La preséncia de -pp- geminada (dobla) permet la conservacion del timbre sord de la consonanta (un -p- simple se seriá sonorizat en -b-).
↑Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 416
↑Bénédicte Boyrie-Fénié, Dictionnaire toponymique des communes, Gironde, ed. CAIRN e Institut Occitan, Pau, 2008, p. 200; cita Negre pel Loupiac de Gironda