Lo nom de Deganhac es format d'un nom de mèstre ambe'l sufixe d'apartenéncia acum, latinizacion del sufixe gallés -aco(n). Per Dauzat e Rostaing, lo nom es Decanni e per Basalgas Decanius[5],[6]. Cossí que siá, Deganhac deviá èsser una villa gallo-romana. Probable que lo nom es a l'origina de Dégagnazès (nom francés) anciana parròquia e comuna del territòri despartit entre Peirilhas, La Vercantièra, Rampons, Tedirac e Usèg de las Olas.