Maurós vendriá d'un nom latin d'òme, Maurus, o d'un nom germanic Mauro, ambe'l sufixe -osum[5],[6].
Cabanac poiriá venir d'un cognomen galloroman *Capannus, del bas latin capanna, « cabana », ambe'l sufixe -acum[7], latinizacion del sufixe gallés -āco(n). Cabanac èra donc benlèu una anciana granda propietat antica qu'aviá per mèstre *Capannus. A costat de *Capannus, defendut per Dauzat, Gaston Basalgas prepausa lo nom gallés Cavannus ambe'l meteis sufixe [8]. Per d'autres luòcs, mas pas per de noms de tipe Cabanac, Xavier Delamarre utiliza lo nom gallés Cavānos[9] (equivalent a Cavannus latinizat), mas per l'omonime girondin, Bénédicte Boyrie-Fénié refusa Cavanus, qu'auriá donat, ambe la fonetica gascona, *Cauanac e se pronóncia, a la seguida de Jacques Boisgontier, pel nom comun capanna, totjorn ambe -ācon, en motivant lo nom per un vilatge compausat d'ostals modèstes [10]. Pr'aquò, çò qu'es impossible en Gasconha pòt gardar sa validitat en Carcin.
Orguèlh (castrum arroïnat [11]) deu èsser lo meteis nom qu'Orgulh. La segonda partida del nom es un -*ialon, « lòc desbosigat, espaci descobèrt, clar, clarièra » e per extension « vilatge » (per crear un vilatge novèl, caliá desbosigar un tròç de bòsc [12]). Lo primièr element es probablament Orgos, nom gallés de persona format sus org-, « tua ! » [13],[14],[15]. Lo vilatge supausat èra pas, de segur, a l'emplaçament exacte de l'anciana vilòta fortificada, qu'es sus un travèrs.
Istòria
La parròquia de Cabanac foguèt annexada a Maurós entre 1790 e 1794 [16].
↑Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 443
↑Gaston Bazalgues, A la Découverte des Noms de Lieux du Quercy et des Communes du Lot, Les Éditions de la Bouriane et du Quercy, 2002, p. 116
↑Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 127
↑Gaston Bazalgues, A la Découverte des Noms de Lieux du Quercy et des Communes du Lot, Les Éditions de la Bouriane et du Quercy, 2002, p. 113, a Lacapelle-Cabanac
↑Xavier Delamarre, Noms de lieux celtiques de l'Europe ancienne, ed. Errance, 2012, p. 110
↑Bénédicte Boyrie-Fénié, Dictionnaire toponymique des communes, Gironde, ed. CAIRN e Institut Occitan, Pau, 2008, p. 90
↑site d'orgueil G séraphins.PDF - Duravel-Histoire
↑Xavier Delamarre, Dictionnaire de la Langue gauloise, ed. Errance, 2na edicion, 2008, p. 185
↑Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 510, a Organ
↑Paul Burgan, André Lafon, Toponymie du Tarn-et-Garonne, Association Antonin Perbosc, 2006, p. 138-139
↑Xavier Delamarre, Noms de lieux celtiques de l'Europe ancienne, ed. Errance, 2012, p. 212
_%C3%A9glise_de_Cabanac.JPG)
.svg){kind=small}