Lo nom de Mairac, format a l'epòca gallo-romana, ven del nom d'òme Marius o Matrius, ambe'l sufixe -acum, latinizacion del sufixe gallés -aco(n). Mairac èra donc probablament una villa antica qu'aviá per mèstre Marius o Matrius. Lo nom a un diminutiu, Mairaguet (en francés Meyraguet), dins la comuna de La Cava[5].
Mairona, a qualques km, separat de Mairac per la comuna de Sent Sòsi, que se pòt explicar, segon Bazalgues, per la divessa maire Màtrona (ambe desplaçament d'accent) [5], presenta una proximitat fonetica ambe Mairac qu'es probablament deguda a l'azard.
Istòria
Mairac foguèt annexat (ambe Mairona) per Sent Sòsi entre 1800 e 1806. Tornèt venir comuna en 1946 [6].
↑ 5,0 et 5,1Gaston Bazalgues, A la Découverte des Noms de Lieux du Quercy et des Communes du Lot, Les Éditions de la Bouriane et du Quercy, 2002, p. 116
.svg){kind=small}