La prononciacion es [su'ɾʒat]. Las fòrmas ancianas son Burco en 994, Sorsat en 1118, 1119, 1228, Soriat en 1233, Soriacho, villa de Soriach en 1272, Suriatum, Soriatum, Suriachum, Soriac en 1318-1325, Suryat en 1385, 1390, 1401, 1445, Sorjat, cap a 1460 (Cronica d'Esquerrier)[5].
Segon Dauzat, lo nom de Sorjat ven del nom latin d'òme Sorbius e *Surdius, derivat de Surdus, ambe'l sufixe -acum[6].
Segon Coromines, citat per P. Pojada, Sorjat auriá un radical liguro-« sorotaptic » (i.e. Urnenfelder) comun ambe Soriech e benlèu lo sufixe celtoïde o puslèu liguro-sorotaptic -ate. Segon Felip Carbona, tanben citat per P. Pojada, lo nom poiriá èsser ligat al bascsor(o) « camp, prat, prada » ambe'l basc jats, « balaja, escobat, planta per escoba (ginèsta, etc) » o lo basc iatze, « falguièra fumèla »[5].
Segon Patrici Pojada, las fòrmas en -at altèrnan ambe las en -ac, que son benlèu ipercorrèctas, mès las en -at son las mai nombrosas. Las fòrmas ancianas trantalhan tanben entre Sors- e Sori- (mès -i- grafiava un [i] o un [ʒ] ? ); puèi Sorj-. Lo sens demòra escur[5].
N.B. Cal èsser prudent ambe las fantasiás « sorotapticas » de Joan Corominas; los mots e los toponimes qu'atribuís a aquela civilizacion son, après examèn, tot banalament celtics e Salàs de Pallars, plaçat entre La Pobla de Segur (Segodunon) e Talarn sul meteis axe d'espandiment es logicament celtic coma los autres dos e pas mai sorotaptic (celtic arcaïc) que las vilas vesinas; simplament, se pòt pas decidir, d'après la fòrma del nom, s'avèm afar ambe de celtic arcaïc, d'epòca camp d'urnas, o de celtic pus recent e i a pas de frontièra entre aquelas epòcas de las lengas celticas. Segondament, lo resultat regular de la derivacion celtica en -ate / -ati es en -às e non pas en -at, çò que vòl díser que Sorjat es pas provesit d'un sufixe celtic.
Istòria
Aquesta seccion es voida, pas pro detalhada o incompleta. Vòstra ajuda es benvenguda !
Comunas d'Arièja (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg){kind=small}
