Las fòrmas ancianas son : villam Succunacum, en 1074, en latin, Senconaco, en 1272, en latin, Sanconac (Cronica d'Esquerrier, al sègle XV), Sancounac (mapa de Cassini); se tròba sovent escrit en francés Saint-Connac o Saint-Conac als sègles XVII, XVIII e XIX [5]. Ni Dauzat nimai los Féniés dison pas res de Senconac. Lo sufixe -ac, del sufixe celtic -*aco- fa pensar a una proprietat antica, mès lo nom del mèstre es de mal definir, benlèu prèp del nom qu'es a l'origina de Cencenac, que poiriá èsser format a partir de *Cincinnus, nom ipotetic de persona que correspond a cincinnus « retortilh, anèla de pels » [6]; solament Senconac a un -c- dur, çò qu'es impossible ambe *Cincennus, sense crosament ambe un autre mot. Fa que val mai partir de la fòrma pus anciana, la de 1074. Se pòt pensar a un derivat del mot gallés succos, « pòrc » (un dels noms d'aquel animal en gallés, que donava plan de noms de persona), per exemple associat al mot -uanos, « tuaire de - » [7]. Demorariá a explicar lo passatge de *Soconac (inferit de (villam) Succunacum) a Senconac : l'atraccion de sent, aprèp una estapa per *Seconac, resultat d'una dissimilacion ?
Istòria
Senconac aviá pas de glèisa. Los abitants anavan, segon la tradicion orala, a la glèisa, ara dispareguda o çò pus mens arroïnada, d'Arniguel (comuna de Verdun). La glèisa actuala es del sègle XIX [8].
Abans la refòrma cantonala de 2014, aplicada en 2015, la comuna èra del canton de Las Cabanas; es ara del canton de Haute-Ariège (en francés), donc de Nauta Arièja.
Comunas d'Arièja (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg){kind=small}
