La prononciacion es [leɾ'kul]. Las fòrmas ancianas son Elircol en 1182, Lercol en 1246, Lorcono (?) en 1272, Lhercol en 1318-1325 e en 1390, Lercol en 1445 e cap a 1460 (Cronica d'Esquerrièr), Lercolh al sègle XVI [5].
Ni Dauzat, nimai los Féniés dison pas res de Lercol.
Segon Felip Carbona, tanben citat per P. Pojada, Lercol poiriá venir del bascle(he)rr « pin », ambe'l romanic còl o le basc olha « cabana », o lo basc ohol « pòst », ligat a le(he)rr per un -k-. Autra solucion basca, ler « pin », ambe kulu « confluéncia de rius, crosament de camins »; lo sens poiriá èsser atal de « crosament de camins del pin ».
Segon Patrici Pojada, Los vilatges vesins palatalizan l, al lòc que Lercol o fa pas, o pas mai e las fòrmas de 1318-25 e de 1390 [tanben la del sègle XVI) son d'exemples d'aquela palatalizacion. L'atestacion de 1182 seriá o non le testimòni de la prononciacion d'origina, ambe una vocala iniciala ? L'origina es bascoïda, coma vòl F. Carbona ? Benlèu. Lercol seriá ligat als toponimes catalans en -col, estudiats per Joan Coromines, coma El Bèrcol; l'element col seriá segon Coromines le resultat de *cale prelatin, benlèu ambe'l sens de castèl o generalament de lòc abitat. En acceptant aquela teoria per l'occitan, cossí explicar le primièr element ler- o elir- ? Lo nom demòra escur[5].
Remarcas : cal gaitar las mapas. Lercol es a fòrta altitud sus un travèrs penjalut e sense rius. Entre las ipotèsis de F. Carbona, la d'un crosament de camins es impossibla, la d'un jonhent de rius es improbabla (levat se lo vilatge a cambiat de plaça, mès aval i aviá Sulhac).
La rasic calu- es celtica. caleto- a lo sens de « dur »[6], calu-, cala- an probablament lo sens de « pèira »[7].
Istòria
Lercol foguèt annexada a Siguèr entre 1790 e 1794, (coma Gestièrs). Tornèt venir comuna (coma Gestièrs) entre 1795 e 1800[8]
Abans la refòrma cantonala de 2014, aplicada en 2015, la comuna èra del canton de Vic de Sòs; es ara del canton de Sabarthès (en francés), donc de Sabartés.
Comunas d'Arièja (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg){kind=small}
