La termino "Campillo" (kampeto) rilatas al kampoj aŭ terkultivejoj de cerealoj distribuataj inter la domaro kaj ties ĉirkaŭoj. La aldonaĵo rilatas al la komarko al kiu ĝi apartenas.
Loĝantoj
La loĝanto nomiĝas Campillano. La censita populacio en 2011 estis de 465 loĝantoj kaj la denseco estas de 5,28 loĝ/km².
Situo
El Campillo de la Jara estas situanta en la okcidenta parto de Kastilio-Manĉo en la komarko aŭ distriktoLa Jara en la plej sudokcidenta parto de la provinco de Toledo, je altitudo de 648 m; je 127 km el Toledo, provinca kaj regiona ĉefurbo. La areo de ties teritorio estas de 88 km². La geografiaj koordinatoj estas 39°35′18″ N 5°3′28″ Ok.
Tra ties teritorio fluas la riveroj Cubilar kaj Uso. La unua estas alfluanto de la dus kaj tiu de la rivero Taĵo.
Ekonomio
Agrikulturo kaj brutobredado tradicie. Rura turismo danke al la verda vojo sur iama neniamfinita fervojo.
Historio
Post la batalo de las Navas de Tolosa ekloĝiĝis la zono, konata tiam kiel la "Nava del Campillo". En 1495 aperas jam kiel El Campillo.
Meze de la 19a jarcento ties industrio komponiĝis el 14 muelejoj por faruno kaj 3 por oleo. La produktado de la agrikulturo baziĝis sur kelkaj cerealoj, legomoj kaj olivoj. La municipa buĝeto estis de 6.400 "reales" el kio 2.000 estis por pago al la sekretario, kaj estis enspezita danke al la produktado de kverkoglano, la paŝtoj de la kverkarbaro kaj la loĝanta impostado.
Meze de la 20a jarcento la populacio atingis ĝis 1,700 loĝantojn, sed poste okazis elmigrado, senloĝigo kaj maljuniĝo de la populacio, kiu preskaŭ kvaroniĝis al ĉirkaŭ 450.
