Calera y Chozas [kalEraj ĉOzas] (Kalkominejo kaj Kabanoj) estas municipo de Hispanio, en la Provinco de Toledo, regiono de Kastilio-Manĉo. La municipo estas komponata de du domaroj, la propra Calera y Chozas, kiu estas la ĉefa kerno, kaj la submunicipo Alberche del Caudillo, separata je ĉirkaŭ 4 km distance.
Toponimio
La termino "Calera" rilatas al ŝtonminejoj de kalkoŝtonoj por produkti kalkom kiu estis en la zono. La nomo de "Calera y Chozas" aperis kiam unuiĝis Calera kun la domaroj de Chozas, Covisa, Tórtolas, Arco kaj Pedrovenegas inter aliaj.
Loĝantoj
La loĝanto nomiĝas Calerano. La censita populacio en 2011 estis de 2.033 loĝantoj kaj la denseco estas de 3,4 loĝ/km².
Situo
Calera y Chozas estas situanta en la nordokcidenta parto de Kastilio-Manĉo en la komarko aŭ distriktoCampana de Oropesa en la plej nordokcidenta parto de la provinco de Toledo, je altitudo de 392 m; je 92 km el Toledo, provinca ĉefurbo. La areo de ties teritorio estas de 219.53 km². La geografiaj koordinatoj estas 37º 56' N, 6º 37' Ok.
La teritorio estas trafluata de la rojoj de Majadillas, Valverde, Valpedregoso, Fuente-polo, Fuente del piojo, Cobisa kaj Tórtolas, kiuj enfluas ĉiuj en la riveron Taĵo.
Ekonomio
Agrikulturo kaj brutobredado tradicie.
Historio
La fondon okazigis ĉirkaŭ 1400 la setligo de laboristoj de diversaj ŝtonminejoj de kalko, el kies elfosaĵoj oni konstruis la preĝejon de Sankta Maria en Talavera de la Reina.
La 27a de junio1809, dum la Milito de Sendependiĝo, la lokanoj atakis soldatojn el la franca armeo kiuj estis restintaj malantaŭe. Tio kolerigis la marŝalonfrancan Claude Perrin Victor, Duko de Bellune, kiu ordonis incendii la vilaĝon kaj ponardi la loĝantojn kiuj ne sukcesis fuĝi.
La 3an de oktobro1833 organiziĝis roton de karlistoj en Talavera, sub la estroj de iu González, administristo de la poŝta oficejo, kiu kaptis publikan monon, enprizonigis liberalulojn kaj direktis sin al Calera cele proklami Karlo Maria Isidro de Burbono kiel Karlo la 5-a, sed la urbestro petis skribitan rajtigilon por tia proklamo. Tiu fakto havigis sufiĉan tempon por liberigi la vilaĝon kaj eviti konspiron kiu povis iĝis danĝera por la reĝimo de Isabel la 2-a.
,_01.jpg)
