La loĝantoj nomiĝas Santominganos. La censita populacio en 2010 estis de 1.058 loĝantoj kaj la denseco estas de 19,59 loĝ/km². La municipo naskiĝis el unuigo de la tiamaj vilaĝoj de Val de Santo Domingo kaj Caudilla.
Toponimio
La nomo "Val de Santo Domingo" devenas el fakto ke ĝi estis situanta sur valo kaj de antikva ermitejo dediĉita al Sankta Dominiko de Silos.
La termino "Caudilla" povus deveni el latina "caput", kapo, malkomponate en "cap-villa", tio estas, "kapo de vilaĝo", aude al kastelo de Caudilla, kiu konstruiĝis en la 15-a jarcento.
Situo
Santo Domingo-Caudilla estas situa en la okcidenta parto de Kastilio-Manĉo en la komarko aŭ distriktoKomarko de Torrijos en la centra parto de la provinco de Toledo, je altitudo de 569 m; je 34 km el Toledo, provinca ĉefurbo. La areo de ties teritorio estas de 54 km². La geografiaj koordinatoj estas 40°0′43″ N 4°19′32″ Ok.
Val de Santo Domingo estis ĉe vojkruciĝo. En 1216 jam aperis en dokumento mozaraba kie oni citas la pagon de la vilaĝo. Ĝi apartenis al Maqueda, kaj havis proprietaĵojn monaĥoj el tri ordenoj nome dominikanoj, hieronimoj kaj bernardaninoj de Santo Domingo de Silos.
Post la reconquista, Caudilla estis reloĝata en la 12-a jarcento fare de kastilianoj. En la 15-a jarcento gastiĝis tie la reĝo Henriko la 4-a survoje al Toledo.
