La loĝanto nomiĝas Cabeceño. La censita populacio en 2011 estis de 546 loĝantoj kaj la denseco estas de 9,13 loĝ/km².
Situo
Cabezamesada estas situanta en la centra parto de Kastilio-Manĉo en la komarko aŭ distriktoToleda Manĉo en la sudorienta parto de la provinco de Toledo, je altitudo de 744 m; je 107 km el Toledo, provinca kaj regiona ĉefurbo. La areo de ties teritorio estas de 59.82 km². La geografiaj koordinatoj estas 39°48′53″ N 3°6′1″ Ok.
Ĝi estis fondita dum la reconquista post la malvenko de Alfonso la 6-a, en la batalo de Uclés. La kristanaj trupoj kiuj fuĝis tra la valo de la rivero Riánsares, fondis ĉe ties bordoj kastelon kiu estos feŭdo de la familio Albornoz.
La Katolikaj Gereĝoj, en la lasta triono de la 15a jarcento, dum la superuleco de Alonso de Cárdenas, donis al la vilaĝo la oficialan titolon de vilaĝo, kaj oni starigis la pilorion kiel atestilon de ties nova jurisdikcio. Ĉe la absido de lapreĝejo estas tombo de kavaliro de la Ordeno de Santiago de la 16a jarcento.
En la 18a jarcento oni faris priskribon de la vilaĝo: estis malbonaj 112 domoj kaj 33 loĝataj kavoj en monteto. La agrikulturo ne estis tre fruktodona: cerealoj (kun ĝis 8 jaroj de kamporipozo), vitoj kaj olivarboj. Estis muelejo ĉerivera dum kvar monatoj jare. Estis instruisto.
Meze de la 20a jarcento la populacio de multaj vilaĝoj de la regiono atingis pinton, kaj ĉe Cabezamesada kun 1,532 loĝantoj, sed poste okazis elmigrado, senloĝigo kaj maljuniĝo de la populacio, kaj ankaŭ ĉe Cabezamesada kie oni falis al la nunaj sub 500; tio estas la populacio trioniĝis dum la lasta jarcento.
