Las Herencias signifas la "heredoj", kiuj estis la rajtoj kiujn posedis la kamparanoj de malgranda domaro nome La Peña (la roko). Tiujn rajtojn oni abandonis pro malsaneco en 1488.
Loĝantoj
La loĝanto nomiĝas Herenciano. La censita populacio en 2011 estis de 816 loĝantoj kaj la denseco estas de 8,97 loĝ/km².
Situo
Las Herencias estas situanta en la okcidenta parto de Kastilio-Manĉo en la komarko aŭ distriktoLa Jara en la sudokcidenta parto de la provinco de Toledo, je altitudo de 363 m; je 91 km el Toledo, provinca kaj regiona ĉefurbo. La areo de ties teritorio estas de 91 km². La geografiaj koordinatoj estas 39°52′15″ N 4°55′6″ Ok.
La rivero Taĵo, kiu pasas norde kaj plufluas suden, formas la limon de ĝia teritorio kun tiuj de Talavera kaj Calera. Ĉe la rivero troviĝas zono nome «barranca blanca del castillo (blanka ravino de la kastelo) de sufiĉa alteco, formanta ebenaĵon en sia pinto».[1]
Ekonomio
Agrikulturo kaj brutobredado tradicie.
Historio
La zono estis loĝata en la antikveco de popoloj ibero-keltaj, kaj poste de romianoj kaj islamanoj kiel pruvas la turo de Ben Kaĉono. En 1801 falis sur la rivero granda parto de la tereno el la blanka revino de la kastelo kio malkovris restaĵojn arkeologiajn. Per postaj elfosaĵoj oni trovis tombojn kun arabaj skribaĵoj. Post la kristana konkero oni reloĝigis la areon el la 13a jarcento, ĝenerale fare de kastilianoj devenaj de Talavera.
Meze de la 19a jarcento estis 180 domoj kaj la municipa buĝeto estis de 7.000 "reales".[1]
Meze de la 20a jarcento la populacio atingis ĝis 2,730 loĝantojn, sed poste okazis elmigrado, senloĝigo kaj maljuniĝo de la populacio, kiu pli ol trioniĝis al pli da 800.
