Arroman qu'es la version gascoa de Romanus, dab a- prostetic. Qu'es lo nom de mèi d'un sent (27 dens l'Acta Sanctorum), dus martirs, un confessor de Blaia, un avesque de Roan, etc [2],[3],[4].
Clarenç
Per los Clarenç, Dauzat que dona duas solucions, un nom latin d'òme *Clarentius, emplegat solet, sense sufixe, o un derivat d'un tèma preindoeuropèu *Kl-ar- « montanha », varianta de *Kal-, « pèira, ròc », dab un sufixe -inco- (!) [5]. La segonda solucion qu'es inversemblabla [6]; de mèi Clarentius es pas totalament inatestat, qu'es lo nom d'un sent, vertat es, au sègle VII [7].
Istòria
A la revolucion, Sent Arroman que s'apèra un temps Égalité-Sousson[8],[9]
Las quate comunas son citadas en 1801, com Saint-Arroman, Gaujeac, Limbeje e Clarenç.[10]
En 1822, qu'annexèn Clarenç, Gaujac e Lenveja a Sent Arroman [11]. Clarenç qu'es au sud-sud-èst deu borg, mès los autes lòcs que son de mau trobar sus la mapa IGN modèrna. Segond lo sit de la comunautat de comunas,[12] Gaujac seré associat a l'anciana glèisa de Sent Victor, vesedera sus la mapa de l'estat major. Mei a bisa, sus la mapa cadastrau, i a ua rota "de Saint Hélix a Lembege" mès nat lòc dit Lenveja. Totun la seccion cadastrau A se ditz de Lenbéjé.[13]
Avant la refòrma cantonala de 2014, aplicada en 2015, la comuna qu'èra deu canton de Masseuva; qu'es adara deu canton d'Astarac-Gimona (burèu centralizator Masseuva).
↑"Arrêté du 9 brumaire an 10 portant réduction des Justices de paix du département du Gers".
↑"Saint-Arroman - Notice communale". Des villages de Cassini aux communes d’aujourd’hui. Territoires et Population, deux siècles d’évolution. EHESS & CNRS. (En linha).
.svg){kind=small}
