Segon Dauzat, Bèlmont qu'es ua formacion relativament recenta. Segon Schmittlein, ua partida deus noms d'aqueth tipe que pòden estar lo resultat deu nom germanic d'òme Bilimund (RIO, 1961, p. 200)[6].
Segon NegreBèlmont que representa l'occitan bèl (bèth) mont[7]. Mes perqué l'adjectiu es pas dens la soa fòrma gascona bèth ? Probablament pr'amor qu'èra lo nom d'un castèth, somés, s'èra relativament recent, a l'artificialisme e a la francizacion.
Lo Casterar-Preneron
Casterar qu'ei eretèr deu latin castellu e deu sufixe -are, de sens qui seré diminutiu (?), segon Dauzat[8]. Los Casterars son donc l'equivalent deus Castelars en lengadocian, contractats çò mèi sovent en Carlar, Cailar. Los noms d'aqueth tipe que gardan la memòria d'un ancian site fortificat, d'una mòta feudala o d'un castèth primitiu [9],[10].
Lo determinant Preneron que correspón au nom de la comuna vesia, non se sap perqué exactement.
Istòria
En 1821, la petita comuna deu Casterar-Preneron, situada au nòrd de Bèlmont e au sud de Preneron, qu'estó incorporada a Bèlmont[11]. Dens la practica, la glèisa qu'ei la deu Casterar-Preneron e la maison comuna (recenta) qu'ei a costat. Lo nom deu Casterar-Preneron qu'a desparegut de las mapas deus sègles XIX e XX, remplaçat per Belmont.
.svg){kind=small}
