Guðjón Friðriksson (fæddur þann 9. mars 1945) er sagnfræðingur og rithöfundur frá Reykjavík.

Guðjón lauk stúdentsprófi frá Menntaskólanum í Reykjavík árið 1965 og BA-prófi í íslensku og sagnfræði frá Háskóla Íslands árið 1970. Hann var kennari í Gagnfræðaskólanum við Laugalæk 1970 - 1972 og íslenskukennari í Menntaskólanum á Ísafirði 1972 - 1975. Blaðamaður á Þjóðviljanum í Reykjavík 1976 - 1985, þar af ritstjóri Sunnudagsblaðs Þjóðviljans 1980 - 1984. Árið 1985 var Guðjón ráðinn af Reykjavíkurborg sem einn af ritstjórum Sögu Reykjavíkur og var í því starfi til 1991. Síðan hefur hann verið sjálfstætt starfandi rithöfundur og sagnfræðingur og liggja eftir hann fjölmörg ritverk. Starfandi í Reykjavíkurakademíunni 2001-2015.

• Forsetakjör 1980 (1980)
• Vigdís forseti (1981)
• Togarasaga Magnúsar Runólfssonar (1983)
• Á tímum friðar og ófriðar 1924-1925.Heimildaljósmyndir Skafta Guðjónssonar (1983)
• Reykjavík bernsku minnar. Viðtalsbók (1985)
• Bærinn vaknar. Saga Reykjavíkur 1870-1940 (tvö bindi 1991 og 1994)
• Saga Jónasar Jónssonar frá Hriflu:
• Með sverðið í annari hendi og plóginn í hinni (1991)
• Dómsmálaráðherrann (1992)
• Ljónið öskrar (1993)
• Indæla Reykjavík. Þingholt og sunnanvert Skólavörðuholt (1995)
• Indæla Reykjavík. Gamli Vesturbærinn (1996)
• Einar Benediktsson. Ævisaga (þrjú bindi 1997, 1998 og 2000)
• Nýjustu fréttir! Saga fjölmiðlunar frá upphafi til vorra daga (2000)
• Jón Sigurðsson. Ævisaga (tvö bindi 2002 og 2003)
• Ég elska þig stormur. Ævisaga Hannesar Hafstein (2005)
• Saga af forseta. Forsetatíð Ólafs Ragnars Grímssonar (2008)
• Hér heilsast skipin. Saga Faxaflóahafna (tvö bindi) (2013)
• Kaupmannahöfn sem höfuðborg Íslands (ásamt Jóni Þ. Þór)(tvö bindi) (2013)
• Reykjavik Walk. Explore the Old City Centre and Neighbourhood. Six illustrated 1-2 hour walks (2014)
• Úr fjötrum. Saga Alþýðuflokksins (2016)
• Litbrigði húsanna. Saga Minjaverndar og endurgerðra húsa um allt land (2017)
• Halldór Ásgrímsson. Ævisaga (2019)
• Samvinna á Suðurlandi I-IV. Héraðssaga kaupfélaga og annarra samvinnufyrirtækja í Árnessýslu, Rangárvallasýslu, Vestur-Skaftafellssýslu og Vestmannaeyjum (2020)
• Cloacina. Saga fráveitu (2021)
• Rauði krossinn á Íslandi. Hundrað ára saga. (2024)
• Börn í Reykjavík (2024)

Í Stúdentaráði Háskóla Íslands 1966 - 1967, menningarráði Ísafjarðar 1974 - 1975, stjórn Torfusamtakanna frá 1985, formaður þeirra 1988 - 1996, stjórn Minja og sögu 1988-2016, stjórn Búseta um tíma, stjórn Rithöfundasambands Íslands 1996 - 2002, stjórn,Minjaverndar 1997 - 2000, menningaráði Hannesarholts 2012-2016 og stjórn Hollvinasamtaka Þjóðskjalasafns Íslands 2022-2024..

• Móðurmálsverðlaun Björns Jónssonar (1985)
• Íslensku bókmenntaverðlaunin 1991, 1997 og 2003. Var auk þess tilnefndur 1992, 1993 og 2005.
• Menningarverðlaun VISA-Ísland fyrir ritstörf (2000).
• Verðlaun Jóns Sigurðssonar 2008.
• Riddarakross fálkaorðunnar 2015.
• Verðlaun Jónasar Hallgrímssonar 2015.