Lungsod Islamiko ng Marawi
Nakapaloob na Lungsod
Panoramang urbano ng Marawi noong Nobyembre 2018, isang taon pagkaraan ng Krisis sa Marawi
Sagisag
Mapa ng Lanao del Sur na nagpapakita ng Marawi
Lungsod Islamiko ng Marawi Kinaroroonan sa Pilipinas
Mga koordinado: 8°00′11″N 124°17′06″E / 8.0031°N 124.285°E / 8.0031; 124.285
Bansa	Philippines
Rehiyon	Bangsamoro (BARMM)
Lalawigan	Lanao del Sur
Distrito	Unang Distrito
Tinirhan	1639
Ikinarta	May 24, 1907
Pagkalungsod	1940
Lungsod	Hunyo 16, 1956
Mga barangay	96
Pamahalaan  [1]
• Uri	Sangguniang Panlungsod
• Punong Lungsod	Majul Usman Gandamra
• Pangalawang Punong Lungsod	Anuar Abedin Romoros
• Manghahalal	79,244 mga botante (2022)
Lawak  [2]
• Kabuuan	87.55 km2 (33.80 milya kuwadrado)
Taas [3]	700 m (2,300 tal)
Populasyon  (senso ng 2020)
• Kabuuan	207,010
• Kapal	2,400/km2 (6,100/milya kuwadrado)
Sona ng oras	UTC+8 (PST)
Kodigong postal	9700
PSGC	153617000
IDD : area code	+63 (0)63
Uri ng klima	klimang tropiko
Klase ng kita	ika-4 na klase ng kita ng lungsod
Kita (₱)	(2020)
Mga katutubong wika	Maranao, Iranun

Ang Marawi (Maranao: Inged a Marawi) o Islamikong Lungsod ng Marawi ay isang lungsod at ang kabisera ng lalawigan ng Lanao del Sur sa Rehiyong Awtonomo ng Bangsamoro sa Muslim Mindanao.^[4] Batay sa senso 2015, mayroon itong populasyon na 201,785 katao.

Tinatawag ang mga mamamayan ng Marawi na mga Maranao at nagsasalita ng Wikang Maranao. Hinango ang kanilang pangalan mula sa Lawa ng Lanao, na tinatawag na Meranau sa kanilang wika, kung saang nasa dalampasigan nito ang Marawi. Kilala rin ang lungsod bilang "Kabiserang Pantag-init ng Katimugan" dahil sa mas-mataas na elebasyon nito at mas-malamig na klima.^[5] May gayon ding palayaw ang Malaybalay na opisyal na humahawak ng titulong ito. Ayon sa senso ng 2020, ito ay may populasyon na 207,010 sa may 30,839 na kabahayan. Taong 2017 sa pagbabago ng Pederalismo sa Pilipinas ang Marawi ang (kapitolyo) ng BangsaMoro.

Noong Mayo 23, 2017, nakaranas ng malawakang pinsala ang lungsod sa kasagsagan ng Labanan sa Marawi, kung saang sumalakay sa lungsod at nakidigma ang mga militanteng kaanib ng Islamikong Estado ng Irak at Levant. Tumagal ang sumunod na labanan hanggang Oktubre 23, 2017 nang inihayag ni Kalihim Delfin Lorenzana ng DND ang pagtatapos ng labanan. Ang pangunahing pinsala sa lungsod ay karamihang sanhi ng mga pagbomba mula sa himpapawid na isinagawa ng Hukbong Himpapawid ng Pilipinas habang sinusubukang palayasin ang mga militante.

May kabuuang sukat na 8,755 ektarya (21,630 akre). ^[2] ang Lungsod ng Marawi. Matatagpuan ito sa dalampasigan ng Lawa ng Lanao. Naghahanggan ito sa hilaga sa bayan ng Kapai at Saguiaran; at sa timog ng Lawa ng Lanao; sa bayan ng Bubong at Ditsaan-Ramain; sa silangan, at sa mga bayan ng Marantao at Saguiaran.

Mga bundok, burol, lambak, at ang malawak na lawa ang bumubuo sa tanawin ng lungsod.

Ang Lungsod ng Marawi ay nahahati sa 96 na mga barangay.

Malawakang ginagamit ang Maranao o Meranaw sa lungsod; ngunit, nakasasalita rin ang pampook na mga mamamayan ang Sebwano, Maguindanao, Iranun, Ingles, at Arabe.

• Philippine Standard Geographic Code Naka-arkibo 2012-04-13 sa Wayback Machine.
• Marawi City - Islamic City of Marawi Information Site Naka-arkibo 2011-03-15 sa Wayback Machine.
• Islamic City of Marawi - Marawi City Website Naka-arkibo 2011-10-12 sa Wayback Machine.
• Marawi Chatters Undernet Naka-arkibo 2021-05-06 sa Wayback Machine.