Senaus

Senaus; Senaux
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
	Lo potz de Senaus.
	Armas
	Armas
	Geografia fisica
Coordenadas	43° 45′ 31″ N, 2° 37′ 08″ E
Superfícia	4,73 km²
Altituds; · Maximala; · Mejana; · Minimala	; 896 m; 660 m; 551 m
	Geografia politica;
País	Lengadòc;
Parçan	Caunés;
Estat	França;
Region; 76	Occitània;
Departament; 81	Tarn ;
Arrondiment; 812	Castras;
Canton; 8115	Canton de Las Nautas Tèrras d'Òc;
Intercom; 248100661	Comunautat de comunas dels Monts de La Cauna;
Cònsol	Jacques Calvet ; (2014-2020)
	Geografia umana
Populacion; Populacion totala; (2018)	34 ab. Evolucion de la populacion; 34 ab.
Densitat	7,19 ab./km²
	Autras informacions
Gentilici	senaussòl, senaussòla
Còde postal	81530
Còde INSEE	81282

Vilatge d'Occitània

Senaus^[1]^,^[2]^,^[3]^,^[4] (Senaux en francés) es una comuna lengadociana en Caunés situada dans lo departament de Tarn e la region d'Occitània.

Geografia

Lo vilatge, en terrenh puslèu planièr, es a una altitud de 665-670 m. Es situat sus un simple camin vicinal, que va, en davalant, de la D 54, a 400 m, a la D 54A, près del vilatge de La Capèla d'Escrós, distant de 500 o 600 m. Gaireben tota la pauca populacion comunala i demòra.

En 2013, i a 44 lòtjaments a Senaus (45 en 2008), que son totes d'ostals (pas cap d'apartament, mas 1 en 2008). Las residéncias principalas son 18, siá 40,8%, e las residéncias segondàrias e lòtjaments ocasionals son 26, siá 59,2%. I a pas cap de lòtjaments vacants (2 en 2008) ^[5].

Toponimia

Lo nom de Senaus vendriá del nom de persona germanic Senaldus latinizat, sense sufixe ^[6].

Istòria

En 1789, Senaus èra de la senescalciá de Castras e de la diocèsi de Castras.

En 1789, la comunautat èra la de Senaus e Pomardèla (nom supausat). Pomardèla es une anciana comunautat restacada a Senaus, enclavada dins Massuguièrs fins a 1809, [al moment de las operacions cadastralas], que foguèt enclusa dins Massuguièrs [amb Planquet e La Còsta (efectiu en 1821)]. La comuna pòrta oficialament lo nom de Senaux dempuèi 1961 (abans : Sénaux).

Èra pas [mai] una parròquia d’Ancian Regime. La glèisa foguèt desrocada pendent las guèrras de religion e los catolics dependián de Sant Pèire de La Capèla d'Escrós ^[7].

Administracion

Lista dels cònsols successius
Periòde		Identitat
març de 2001	2020	Jacques Calvet
	2001
Totas las donadas non son pas encara conegudas.

De 1790 a 1801, Senaus èra del canton de Viana (districte de La Cauna), e aprèp passèt al canton de La Cauna, arrondiment de Castras ^[8]. Abans la refòrma cantonala de 2014, aplicada en 2015, Senaus èra doncas del canton de La Cauna; desempuèi, es del canton de Las Nautas Tèrras d'Òc (burèu centralisator: La Cauna)