Ernèst Negre cita qualques fòrmas ancianas: Armairaco, en 1120, Almairaco, en 1260. Lo nom, amb lo sufixe -acum, es lo d'una proprietat antica. La question es la del nom d'òme que lo sufixe completa : lo nom Armarius[5] o, amb una varianta -iacum del sufixe, lo nom germanic Hartmar[6].
Lo nom Almairac s'explica per una dissimilacion a partir d' Armairac (evitament de doás r dins lo meteis mot, en remplaçant la primièra per una l). Aprèp, lo nom actual resulta d'una marrida interpretacion del mot : Almairac foguèt comprés coma Al Mairac, doncas Lo Mairac, e es malaisit, un còp que lo nom novèl es installat, de tornar enrè.
Istòria
Abans la revolucion, Lo Mairac es una comunautat (parròquia de Sant Salvi). Lo 20 d'abrial de 1813, un arrestat prefectoral destaca del Mairac una enclava amb los vilatges de La Volp e Gagets e lo masatge del Teron, e la restaca a Trevièn.[7]
Abans la refòrma cantonala de 2014, aplicada en 2015, la comuna èra del canton de Pampalona; es ara del canton de Carmaux-1 Le Ségala (en francés), donc Carmauç-1 Lo Segalar.
.svg){kind=small}