Fauch es un ancian vilatge fortificat que encara demòran qualques rèstes d'ancians valats e muralhas.
La glèisa èra tanben la torre de defensa. Foguèt restaurada en 1891: la torre foguèt destrucha e lo bastit agrandit de doas capèlas e d'un campanar.
Lo vilatge es situat sus un puèg, de fòrma gaireben circulara[5].
Lo luòc dich de Carufèl al sud del vilatge de Fauch sus la RD41 èra autres còps lo fieu de la familha Sicard de Carufèl, una familha de nòbles que los premièrs diches son del començament del sègle XVI. Lo domeni foguèt destruït en 1621 aprèp la batalha de Fauch entre catolics e protestants. Joan Sicard de Carufèl, nascut a Castras (1666 - 1743), militar, partiguèt en Nòva França (Quebèc) en 1685 dins las tropas de la marina (jol governador Jacques-René de Brisay). Alara venguèt protestant. Obtenguèt la senhoriá de Carufel, uèi parròquia Sant Justin, comté de Maskinongé, Quebèc, en 1705.
I a uèi fòrça descendents Sicard de Carufèl en America[6],[7].
- Glèisa de Sant Vincenç de Fauch del sègle XIII, foguèt una plaça fòrta al moment de las guèrras de religion e subretot en 1621 (batalha violenta), art gotic: elements escultats sul còr de l'absida e dragons antitetics de longa coa sul mur Nòrd.
- Ancian lavador restaurat
- Camins d'excurcions
- Val d'Asson
Personas ligadas a la comuna
familha Sicard de Carufèl
Nòtas e referéncias
↑Pojada, Patrici (2009). Repertòri toponimic de las comunas de la region Miègjorn-Pirenèus. Nouvelles Éditions Loubatières. ISBN 978-2-86266-573-3.
.jpg)
.svg)
.svg){kind=small}