Severity: Notice
Message: Undefined offset: 1
Filename: infosekolah/leftmenudasboard.php
Line Number: 33
Line Number: 34
Salvanhac[1],[2],[3],[4] (Salvagnac en francés) es una comuna lengadociana en País d'Albi situada dins lo departament de Tarn e la region d'Occitània, ancianament de Miègjorn-Pirenèus.
Salvanhac es atestat cap a 972 , Selvaniaco e en 1154, Salvagnac. Lo nom ven del nom latin d'òme *Silvanius, derivat de Silvanus, o benlèu de Salvanius, ambe'l sufixe -acum [5],[6], latinizacion del sufixe gallés -aco(n). Salvanhac èra donc probablament una anciana granda proprietat antica qu'aviá per mèstre Silvanius, o benlèu Salvanius.
Vila anciana. Apareis dins l’istòria en 1220, ambe la creacion d’un priorat benedictin patronizat per Ramon VI de Tolosa. Baroniá fins a la Revolucion, la vila fortificada foguèt assetjada per las tropas d'Antòni Scipion de Juèsa pendent las guèrras de religion en novembre de 1586; Salvanhac gaireben foguèt roïnada en 1587 per òrdre del Parlament de Tolosa. Levat las basas de las tors del castèl e qualques ostals dels sègles XVII e XVIII, coma lo dels Murats a costat de la pòsta, se tornèt bastit lo vilatge al sègle XIX. De 1838 a 1950, Salvanhac èra plaça de fièras e mercats fòrça importanta.
