Knut Arild Hareide
Knut Arild Hareide Foto: Mona Høvset
Fødd	23. november 1972 (52 år) Bømlo kommune
Statsborgar av	Noreg
Parti	Kristeleg Folkeparti
Religion	Den evangelisk-lutherske kyrkja
Yrke	politikar, forretningsdrivande
Utdanna ved	Norges handelshøyskole
Ektefelle	Lisa Marie Hareide
Verv	Norsk samferdselsminister 24. januar 2020– i dag
Føregangar	Jon Georg Dale
Verv	Partileiar i Kristeleg Folkeparti 30. april 2011– 17. januar 2019
Føregangar	Dagfinn Høybråten
Etterfylgjar	Kjell Ingolf Ropstad
Verv	Norsk miljøvernminister 18. juni 2004– 17. oktober 2005
Føregangar	Børge Brende
Etterfylgjar	Helen Bjørnøy
Alle verv	Norsk miljøvernminister (2004–2005) statssekretær (Finansdepartementet i Noreg, 2001–2003) stortingsrepresentant (2017–2021) vararepresentant til Stortinget (1997–2001) vararepresentant til Stortinget (2001–2005) vararepresentant til Stortinget (2005–2009) stortingsrepresentant (2009–2013) stortingsrepresentant (2013–2017) Norsk samferdsleminister (2020–2021) partileiar (Kristeleg Folkeparti, 2011–2019) Sjøfartsdirektør (2022–2024)

Knut Arild Hareide (fødd 23. november 1972 på Bømlo) er ein tidlegare politikar, og leiar for KrF frå 2011 til 2019. Hareide gjekk av som partileiar i 2019 etter at KrF valde å gå inn i regjering med Høgre, Venstre og Framstegspartiet, det sistnemnde partiet ville ikkje Hareide ha i koalisjonen.^[1] Sidan 1. januar 2022 har han vore sjøfartsdirektør i Sjøfartsdirektoratet.^[2]

Hareide vaks opp på Rubbestadneset. Han var statsråd og sjef for Miljøverndepartementet (Miljøvernminister) frå 18. juni 2004 til regjeringa Bondevik II gjekk av hausten 2005. Frå 24. januar 2020 var han samferdselsminister for regjeringa Solberg.

Hareide er utdanna siviløkonom frå Norges Handelshøyskole (NHH) og har sosiologi grunnfag frå Universitetet i Bergen. Han har vore politisk rådgjevar i Kyrkje- utdannings- og forskingsdepartementet i Regjeringa Bondevik I, statssekretær i Finansdepartementet i den andre Bondevikregjeringa; og er 2. nestleiar i KrF frå 2003.

Då Hareide tiltredde stillinga som miljøvernminister 18. juni 2004, berre 31 år gammal, vart han den yngste ministeren frå KrF nokon sinne.

I det sivile livet har Hareide vore tilsett i Schibsted-konsernet sidan 1997. I januar 2007 vart det kjent at Hareide førebels trekte seg frå politikken for å satse på ein karriere i næringslivet. Frå 2007 til hausten 2009 var han tilsett som organisasjonsdirektør i Schibsted.^[3]

Hareide blei ved stortingsvalet 2009 vald inn som representant frå Akershus. Han leia Transport- og kommunikasjonskomitéen på Stortinget.

Hareide er gift med Lisa Marie Hareide, saman har dei to born.^[1]

• «Knut Arild Hareide». Stortinget.no.