|
Heimsmeistaramót landsliða í knattspyrnu karla 2018
Heimsmeistaramótið í knattspyrnu árið 2018 var haldið í Rússlandi dagana 14. júní til 15. júlí 2018.
Frakkland sigraði mótið.
Val á gestgjöfum
Rússland sótti árið 2009 formlega um að halda HM í knattspyrnu 2018. Alþjóðaknattspyrnusambandið ákvað að úthluta keppnunum 2018 og 2022 samtímis. Níu umsóknir bárust og voru úrskurðaðar gildar. Fljótlega tilkynntu öll umsóknarlöndin utan Evrópu að þau sæktust aðeins eftir að halda mótið 2020. Vegna reglna Alþjóðaknattspyrnusambandsins um að ekki skyldi halda mótið í sömu heimsálfu tvisvar í röð var því ljóst að evrópsku umsóknirnar fjórar kæmu einvörðungu til greina fyrir 2018 keppnina.
Auk Rússa sóttust Englendingar eftir hnossinu en einnig bárust tvær sameiginlegar umsóknir, annars vegar frá Belgíu og Hollandi en hins vegar frá Portúgal og Spáni. Kosið var milli umsækjendanna í höfuðstöðvum Alþjóðaknattspyrnusambandsins og úrslit tilkynnt þann 2. desember 2010. Engin umsókn fékk hreinan meirihluta í fyrstu umferð, þar sem Rússar fengu 9 atkvæði, Portúgal/Spánn 7, Belgía/Holland 4 og Englendingar ráku lestina með 2 atkvæði. Í annarri umferð var kosið milli þriggja efstu og hlutu Rússar þá 13 atkvæði og þar með gestgjafaréttinn.
Þátttökulið
32 þjóðir mættu til leiks frá sex heimsálfum.
Knattspyrnuvellir
Keppnin
Riðlakeppnin
Keppt var í átta riðlum, hverjum með fjórum keppnisliðum. Tvö efstu liðin fóru í 16-liða úrslit.
A-riðill
Heimamenn Rússar byrjuðu með látum og unnu 5:0 sigur á Sádi-Aröbum í opnunarleik mótsins. Það var stærsti sigur heimaþjóðar í fyrsta leik frá því að Ítalir unnu Bandaríkin 7:1 á HM 1934. Rússneska liðið bætti um betur og tryggði sér sæti í næstu umferð með 3:1 sigri á Egyptum. Afríska liðið hafði mætt til leiks með miklar væntingar en meiðsli stjörnu þeirra, Mohamed Salah skömmu fyrir mótið setti strik í reikninginn. Úrúgvæ sýndi engan stjörnuleik í 1:0 sigrum á Sádum og Egyptum, en tryggðu sér svo toppsætið í riðlinum með 3:0 sigri á gestgjöfunum.
B-riðill
Spánn og Portúgal mættust í fyrstu umferð riðilsins í viðureign sem var almennt talin úrslitaleikurinn. Cristiano Ronaldo skoraði þrennu í 3:3 jafntefli og jafnaði metin undir lok leiksins. Í hinni viðureigninni tryggði sjálfsmark andstæðings á sjöttu mínútu uppbótartíma Írönum öll stigin þrjú. Evrópsku liðin unnu bæði 1:0 sigra á mótherjum sínum í annarri umferðinni. Portúgal virtist ætla að næla sér í toppsætið þegar komið var fram í uppbótartíma í lokaleikjunum tveimur. Þá jöfnuðu Íranir gegn Portúgölum og Spánverjar björguðu eigin skinni og efsta sætinu með því að jafna 2:2 gegn Marokkó.
| Sæti
|
|
Lið
|
L
|
U
|
J
|
T
|
Sk
|
Fe
|
Mm
|
Stig
|
| 1 |
 |
Spánn |
2 |
1 |
2 |
0 |
6 |
5 |
+1 |
5
|
| 2 |
 |
Portúgal |
2 |
1 |
2 |
0 |
5 |
4 |
+1 |
5
|
| 3 |
 |
Íran |
3 |
1 |
1 |
1 |
2 |
2 |
0 |
4
|
| 4 |
 |
Marokkó |
3 |
0 |
1 |
2 |
2 |
4 |
-2 |
1
|
C-riðill
Fyrsta vítaspyrnan á grunni myndbandsdómgæslu var dæmd í viðureign Frakka og Ástrala. Frakkar og Danir höfnuðu í tveimur efstu sætunum og luku keppni með markalausu jafntefli. Perú og Ástraía sátu eftir með þrjú og eitt stig.
D-riðill
Íslendingar hófu keppni sína á HM með óvæntu jafntefli gegn Argentínu þar sem Hannes Þór Halldórsson varði vítaspyrnu frá Lionel Messi. Íslenska liðinu tókst ekki að fylgja eftir þessari góðu byrjun og mátti sætta sig við töp í tveimur seinni leikjunum. Vandræði Argentínumanna jukust enn eftir 3:0 skell gegn Króötum í öðrum leik sínum og þurftu sigurmark á lokamínútunum gegn Nígeríu til að skríða áfram ásamt Króötum.
E-riðill
Brasilíumenn unnu riðilinn eins og búist var við. Þeir komust þó í hann krappann gegn Kosta Ríka en skoruðu tvívegis í uppbótartíma. Serbar unnu fyrsta leik sinn og virtust ætla að ná jafntefli gegn Svisslendingum en sigurmark þeirra síðarnefndu fór langleiðina með að tryggja liðinu annað sætið í riðlinum.
F-riðill
Þjóðverjar bættust í hóp ríkjandi heimsmeistara sem mistókst að komast upp úr riðlakeppninni á næsta heimsmeistaramóti. Eftir að hafa herjað út sigur gegn Svíum í öðrum leik sínum virtust meistararnir ætla að sleppa með skrekkinn og dugði sigur í lokaumferðinni gegn Suður-Kóreu sem fallin var úr keppni. Eftir stífa sókn þýska liðsins skoruðu Kóreumennirnir tvívegis í uppbótartíma. Niðurstaðan varð sú að Svíar og Mexíkóar komust upp úr riðlinum.
G-riðill
Panama tapaði öllum leikjunum á sínu fyrsta heimsmeistaramóti, þar á meðal 6:1 gegn Englendingum sem reyndist vera stærsti sigurinn á mótinu. Markasúpan dugði Englendingum þó aðeins til annars sætisins á eftir Belgum sem unnu innbyrðisviðureignina í Kaliningrad.
| Sæti
|
|
Lið
|
L
|
U
|
J
|
T
|
Sk
|
Fe
|
Mm
|
Stig
|
| 1 |
 |
Belgía |
3 |
3 |
0 |
0 |
9 |
2 |
+7 |
9
|
| 2 |
 |
England |
3 |
2 |
1 |
0 |
8 |
3 |
+5 |
6
|
| 3 |
 |
Túnis |
3 |
1 |
0 |
2 |
5 |
8 |
-3 |
3
|
| 4 |
 |
Panama |
3 |
0 |
0 |
3 |
2 |
11 |
-9 |
0
|
H-riðill
Kólumbía tapaði upphafsleik sínum en náði samt toppsæti riðilsins. Pólverjar úr efsta styrkleikaflokki ollu stuðningsmönnum sínum miklum vonbrigðum, töpuðu tveimur fyrstu leikjunum og enduðu að lokum neðstir. Japan og Senegal urðu jöfn að stigum og með nákvæmlega sömu markatölu í öðru og þriðja sæti. Þá þurfti að grípa til háttvísisstiga og þar höfðu Japanir betur og komust í næstu umferð. Sú niðurstaða þótti sérlega kaldhæðnisleg í ljósi þess að japanska liðið lagði árar í bát síðustu mínúturnar í lokaleiknum gegn Pólverjum, reyndi ekki að jafna metin heldur gættu þess eins að næla sér ekki í fleiri spjöld. Fram komu kröfur um að FIFA refsaði Japönum fyrir þetta en við slíku var ekki orðið.
| Sæti
|
|
Lið
|
L
|
U
|
J
|
T
|
Sk
|
Fe
|
Mm
|
Stig
|
| 1 |
 |
Kólumbía |
3 |
2 |
0 |
1 |
5 |
2 |
+3 |
6
|
| 2 |
 |
Japan (*) |
3 |
1 |
1 |
1 |
4 |
4 |
0 |
4
|
| 3 |
 |
Senegal |
3 |
1 |
1 |
1 |
4 |
4 |
0 |
4
|
| 4 |
 |
Pólland |
3 |
1 |
0 |
0 |
0 |
2 |
5 |
3
|
(*) Japan komst í 16-liða úrslit út á færri gul spjöld en Senegal.
Útsláttarkeppni
16 liða úrslit
Argentínumenn komust í 2:1 í æsilegum sjö marka leik gegn Frökkum sem höfðu að lokum betu, 4:3. Mark Benjamin Pavard var síðar kosið það fallegasta í keppninni. Edinson Cavani skoraði tvisvar í sigurleik gegn Portúgal, en meiddist og þar með var þátttöku hans lokið á mótinu. Velgengni heimaþjóðarinnar hélt áfram, Rússar slógu Spánverja úr leik eftir vítaspyrnukeppni. Einnig þurfti að grípa til vítaspyrna til að knýa fram úrslit í viðureign Króata og Dana þar sem þeir fyrrnefndu reyndust sterkari. Brasilía og Mexíkó mættust í fimmta sinn í sögu úrslitakeppni HM og sem fyrr héldust Brasilíumenn ósigraðir. Það stefndi í gríðarlega óvænt úrslit í viðureign Belgíu og Japan þar sem Asíubúarnir komust tveimur mörkum yfir en Belgar svöruðu með þremur mörkum, því síðasta í uppbótartíma. Svíar unnu Svisslendinga í tilþrifalitlum leik. Kólumbía jafnaði gegn Englandi í blálokin en enska liðið hafði betur í vítaspyrnukeppni.
Snið:Straffesparksboks
Snið:Straffesparksboks
Snið:Straffesparksboks
Fjórðungsúrslit
Undanúrslit
Belgar töpuðu sínum fyrsta leik frá því í september 2016 þegar Frakkar unnu þá 1:0 og komust í sinn fyrsta HM-úrslitaleik. Í hinni undanúrslitaviðureigninni komust Englendingar yfir snemma leiks en Króatar jöfnuðu og skoruðu svo sigurmark í seinni hálfleik framlengingarinnar.
Bronsleikur
Belgar höfðu best náð fjórða sæti á HM 1986 en gerði einu betur með því að tryggja sér bronsverðlaunin með 2:0 sigur á þreyttu ensku liði. Tíu leikmenn skoruðu fyrir belgíska liðið í keppninni.
Úrslitaleikur
Króatíska liðið hafði í þrígang þurft að fara í gegnum framlengingu í útsláttarkeppninni og þreytan var farin að segja til sín í úrslitunum. Eftir að hafa lent undir snemma leiks með sjálfsmarki tókst Króötunum að jafna en lentu svo 4:1 undir og tókst ekki að klóra sig aftur inn í leikinn þrátt fyrir að minnka muninn þegar um tuttugu mínútur voru eftir. Úrhellisrigning braust út í leikslok og meðan á verðlaunaafhendingunni stóð.
Markahæstu leikmenn
Harry Kane hreppti gullskó FIFA með sex mörk skoruð, tveimur meira en næstu menn. Alls voru 169 mörk skorað, þar af voru tólf sjálfsmörk sem var nýtt met.
- 6 mörk
- 4 mörk
Tilvísanir og heimildir
|
|
.jpg)
.svg)
