Slunečná (germane Sonneberg) estas municipo de Ĉeĥio situanta en distrikto Česká Lípa proksimume 5 km sude de Kamenický Šenov, 5 km sudokcidente de Nový Bor kaj 9 km norde de distrikta urbo Česká Lípa sur sudorienta deklivo de arbarriĉa montodorso de Bohemia mezmontaro (germane Sonnebergrücken). Ĝi najbaras kun katastraj teritorioj de municipoj: oriente kun Skalice u České Lípy, sude kun Horní Libchava, sudokcidente kun Volfartice, sudokcidente kun Volfartice - Nová Ves, nordokcidente kun Nový Oldřichov, norde kun Kamenický Šenov kaj Prácheň. Municipon Slunečná karakterizas ĝia randa situo en supermara alteco 360–460 m s. m. Vivas ĉi tie 147 loĝantoj (2024).
La najbaraj municipoj de la setlejo estas Volfartice, Skalice u České Lípy, Horní Libchava, Kamenický Šenov kaj Nový Oldřichov.
Historio
Sonorilejo ne troviĝis en la municipo kaj oni tradiciis, ke la lokaj loĝantoj ne bezonis ĝin, ĉar ili aŭdas surgenuiĝadon el Skalice. Post la dua mondmilito estis la devena germana loĝantaro ellandigita kaj anstataŭigita de loĝantoj el enlando.
Loĝantaro
Evoluo de nombro de loĝantoj
La datoj devenas el datumbazo de Vikidatumoj
| Jaro | Loĝantoj |
|---|
| 1869 | 594 |
|---|
| 1880 | 584 |
|---|
| 1890 | 509 |
|---|
| 1900 | 494 |
|---|
| 1910 | 442 |
|---|
| 1921 | 369 |
|---|
| Jaro | Loĝantoj |
|---|
| 1930 | 395 |
|---|
| 1950 | 226 |
|---|
| 1961 | 146 |
|---|
| 1970 | 119 |
|---|
| 1980 | 91 |
|---|
| 1991 | 48 |
|---|
| Jaro | Loĝantoj |
|---|
| 2001 | 60 |
|---|
| 2011 | 121 |
|---|
| 2014 | 131 |
|---|
| 2016 | 129 |
|---|
| 2017 | 126 |
|---|
| 2018 | 136 |
|---|
| Jaro | Loĝantoj |
|---|
| 2019 | 133 |
|---|
| 2020 | 139 |
|---|
| 2021 | 144 |
|---|
| 2022 | 146 |
|---|
| 2023 | 153 |
|---|
| 2024 | 147 |
|---|
Memorindaĵoj
- Preĝejo de Ĉielpreno de Virgulino Maria
- Kamparana domo n-ro 12, naskodomo de Josef Jirschik
- Monumento al Josef Jirschik, ĉe ŝoseo inter la praĝejo, apud lia naskodomo
- Monumento al falintoj en la 1-a mondmilito
- Konstruaĵo de eksa lernejo, nun municipa ofico
Signifaj personecoj
- Johann Georg Jirschik, komercisto, li ekloĝis en urbo Bilbao, firmao Jirschik u. Sohn estis nenur unuaklasa domo, sed ĝi trafikis ankaŭ ŝipan transporton,[1] donacisto por la preĝejo en Slunečná.
- Josef Jirschik (* 3-a de decembro 1815 Sonneberg / Slunečná, † 10-a de decembro 1884 Bilbao), bofilo de J. G. Jirschik, en la jaro 1829 en siaj 14 jaroj li forvojaĝis en Bilbaon, transprenis kun siaj du kunuloj la firmaon post la onklo, en la jaro 1843 li edziĝis, en la jaro 1856 li retiriĝis el la komerca vivo kaj translasis la firmaon al la kunuloj, li mortis kiel 69-a jara sen idoj, li postlasis testamenton el la jaro 1874, kies plenumantino fariĝis la vidviĝinta edzino, donisto por lernejo kaj patrono de municipo Slunečná.[2]
- Vlastimil Brodský (* 1920, † 2002 Slunečná), aktoro, li aĉetis en Slunečná domon, li ripozas en ĉi tiea tombejo
Pluaj fotoj
-
Eksa lerneja konstruaĵo el la jaro 1889, nun municipa ofico
-
Slunečná (Sonneberg) n-ro 88 - eksa arbarista domo de reviro Slunečná sur senjorujo Horní Libchava
Referencoj
- ↑ Mittheilungen des Nordböhmischen Excursions-Clubs, Kart Fechter: Geschichte des Böhmischen Glashandels
- ↑ (Neuigkeits) Welt Blatt: Di, 11. August 1885, p. 9
