Nové Město pod Smrkem
germane Neustadt an der Tafelfichte
urbo
Konstruaĵo de urba banloko
Flago Blazono
Oficiala nomo: Nové Město pod Smrkem
Kromnomo: NMpS
Ŝtato	Ĉeĥio
Regiono	Regiono Liberec
Distrikto	Distrikto Liberec
Administra municipo	Frýdlant
Historiaj regionoj	Bohemio, Sudetio
Parto de	Fridlanta terlango
Montaro	Fridlanta montetaro
Situo	Nové Město pod Smrkem
- alteco	465 m s. m.
- koordinatoj	50° 55′ 30″ N 15° 13′ 46″ O / 50.92500 °N, 15.22944 °O / 50.92500; 15.22944 (mapo)
Areo	28,93 km² (2 893 ha)
Loĝantaro	3 757 (2024)
Denseco	129,87 loĝ./km²
Fondo	1584
Horzono	MET (UTC+1)
- somera tempo	MET (UTC+2)
Poŝtkodo	463 65
NUTS 3	CZ051
NUTS 4	CZ0513
NUTS 5	CZ0513 564265
Katastraj teritorioj	3
Partoj de urbo	3
Bazaj setlejunuoj	4
Situo enkadre de Ĉeĥio
Vikimedia Komunejo: Nové Město pod Smrkem
Retpaĝo: www.nmps.cz
Portalo pri Ĉeĥio

Nové Město pod Smrkem (germane Neustadt an der Tafelfichte) estas urbo en regiono Liberec en Ĉeĥio. La urbo oriente limas al Pollando. Vivas en ĝi 3 757 loĝantoj (2024).

La najbaraj municipoj de la setlejo estas Raspenava, Lázně Libverda, Krásný Les, Horní Řasnice, Jindřichovice pod Smrkem, Dolní Řasnice kaj Świeradów-Zdrój.

La iom longan nomon oni foje mallongigas kiel NMpS. Ankaŭ la urba retejo uzas ĉi tiun nomon.

La urbo estis fondita en 1584 de Melchior von Redern kun la nomo Böhmisch-Neustadt (bohemia novurbo). Jam antaŭe en proksima Ludvíkov/Lusdorf ekzistis setlejo, kun preĝejo el la jaro 1346, kiu ankoraŭ ekzistas. En la urbo (urborajto en 1592) loĝis ministoj, kiuj ĉirkaŭe minis kupron, feron kaj stanon. Pro minado la urbo prosperis ĝis la tridekjara milito; poste ĝi koncentriĝis al aliaj ekonomiaj branĉoj, ekzemple produktado de teksumaĵoj (ŝpinado, teksado). En la 19-a jarcento aldoniĝis la produktado de porcelano.

En 1911 la urbo iĝis memstara tribunala distrikto en distrikto Fridland en reĝlando Bohemio (habsburga imperio).

Ĝis la dua mondmilito granda plimulto de la loĝantaro estis germanoj (1930: 95,8 %); la germana nomo de la urbo tiam estis Neustadt an der Tafelfichte. ("Tafelfichte" estas la germana nomo de la monto "Smrk".)

La urbo partoprenas en la laborgrupo Novurbo en Eŭropo.

• Nové Město pod Smrkem
• Hajniště
• Ludvíkov pod Smrkem