Por aliaj signifoj, bv. rigardi la apartigilan paĝon: Josefův Důl

Josefův Důl
germane Josefsthal
municipo
Novgotika preĝejo de Ŝanĝiĝo de Sinjoro
Flago Blazono
Oficiala nomo: Josefův Důl
Ŝtato	Ĉeĥio
Regiono	Liberec
Distrikto	Jablonec nad Nisou
Administra municipo	Jablonec nad Nisou
Historiaj regionoj	Bohemio, Sudetio
Montaro	Jizera montaro
Rivero	Kamenice
Situo	Josefův Důl
- alteco	625 m s. m.
- koordinatoj	50° 46′ 55″ N 15° 13′ 54″ O / 50.78194 °N, 15.23167 °O / 50.78194; 15.23167 (mapo)
Areo	22,01 km² (2 201 ha)
Loĝantaro	930 (2024)
Denseco	42,25 loĝ./km²
Fondo	1701
Horzono	MET (UTC+1)
- somera tempo	MET (UTC+2)
Poŝtkodo	468 44
NUTS 3	CZ051
NUTS 4	CZ0512
NUTS 5	CZ0512 563633
Katastraj teritorioj	4
Partoj de municipo	4
Bazaj setlejunuoj	4
Situo enkadre de Ĉeĥio
Vikimedia Komunejo: Josefův Důl (Jablonec nad Nisou District)
Retpaĝo: www.josefuvdul.eu
Portalo pri Ĉeĥio

Josefův Důl (germane antaŭe Josefsthal) estas municipo en Ĉeĥio. Ĝi situas en Regiono Liberec, en distrikto Jablonec nad Nisou. En la municipo vivas 930 loĝantoj (2024). Ĝi situas en valo de rivereto Kamenice en Jizera montaro.

La municipo estas elirloko por ekskursoj de piedirantoj, biciklistoj kaj skiantoj. Pli supre en la valo estis konstruita valbaraĵo Josefův Důl, la plej granda kaj la plej juna de sia speco en Jizera montaro. En Josefův Důl estas ekirloko al Jizera magistralo. En la muniicpo kaj la plej proksima ĉirkaŭaĵo troviĝas kelke da skideglitejoj por lertaj kaj komencanta skiistoj. En la municipo ankaŭ estiĝis instrupadoj de ĉi tiea naskiĝinto Gustav Leutelt; pli longa mezuras 11,3 km, malpli longa 5,4 km. En la municipo eblas ankaŭ trovi muzeon de loka historio. Ŝatataj turisma celoj estas ekzemple akvofaloj sur la rivero Jedlová, Traŝirita valbaraĵo, monumento de vitrofarado en Kristiánov aŭ kelkaj el multaj belvederoj dissemitaj sur montetoj de Jizera montaro.

La najbaraj municipoj de la setlejo estas Lučany nad Nisou, Janov nad Nisou, Jiřetín pod Bukovou, Bedřichov, Albrechtice v Jizerských horách kaj Hejnice.

• Josefův Důl
• Antonínov
• Dolní Maxov
• Karlov

Grafo Maxmilián Desfours Walderode komencis enloĝigi la ĉirkaŭaĵon de la germana loĝantaro ĉirkaŭ la jaro 1690. Domaro Antonínov estis fondita en 1697 (en 1890 la municipo apartiĝis de Albrechtice), Josefův Důl je kvar jaroj pli poste 1701 (la saman jaron naskiĝis Karolo Josefo, filo de Walderode, laŭ kiu la municipo estas nomita). En la jaro 1700 estis fondita domaro Karlov, kie estis pli poste fondita kapelo kaj la unua vitrofarejo. En la jaro 1821 ekpraktikigis Karel Josef Zenkler novan vitrofarejan teknologion kaj aldonis produktadon de perloj kaj butonoj. Evoluo de la municipo daŭrigis per konstruo de lernejo kaj precipe de fervojlinio el Smržovka ĝis Josefův Důl.

En la jaro 1909 Josefův Důl estis avancita al kampurbo. Surbaze de Munkena interkonsento Josefův Důl estis alligita al Germana imperio. Malarmigo de la germana garnizono kaj redono al ĈSR okazis nur la 5-an de majo 1945.^[1][2]

Inter kuriozaĵoj apartenis bredado de strutoj en Dolní Maxov, aŭ eksa skisaltista ponteto kun ĝisfalo trans rivereto Jedlová (detruita en la 1990-aj jaroj). En valo de Jedlová etendiĝas naturrezervejo Jedlový důl.

• Gustav Leutelt

• 
  Vido al Josefův Důl
• 
  Josefův Důl, domoj
• 
  Josefův Důl, strato
• 
  Josefův Důl, vido al la preĝejo