Kvašov (hungare Kvassó [kvaŝO]) estas vilaĝo kaj municipo en Slovakio.
Situo
Kvašov situas en valo de rojo, laŭ traira flankovojo. Púchov troviĝas je 11 km.
Historio
La loko estis loĝata jam dum la bronzepoko. La unua mencio okazis pri la vilaĝo en 1471 laŭ tiama hungara ortografio "Quazzow". En 1784 loĝis tie 376 vilaĝanoj (73 familioj) en 69 domoj, en 1828 427 vilaĝanoj en 61 domoj. Ĝis 1899 la oficiala hungara loknomo estis , poste ĝi ricevis hungaran nomon pro la hungariga politiko. En 1910 laŭ la popolnombrado vivis en Kvassó 551 homoj, (plejparte slovakoj). Ĝis Traktato de Trianon la komunumo apartenis al Hungara reĝlando, al Trencsén (reĝa departemento), al distrikto de Púchov, poste al Ĉeĥoslovaka respubliko, dum la 2-a mondmilito kaj ekde 1993 al Slovakio. En 2001 vivis en Kvašov 674 homoj, (670 slovakoj).
