«Different World» er ein song av det engelske heavy metal-bandet Iron Maiden frå albumet A Matter of Life and Death. Det vart gjeve ut som den andre singelen frå albumet, og den 35. singelen totalt. Singelen kom ut 14. november 2006 i USA og 26. desember 2006 i Europa. Songen har blitt omtalt som ei hyllest til Thin Lizzy på grunn av vokalen av Bruce Dickinson som minnar om vokallinjer som Phil Lynott song. Songen vart spelt først på alle konsertane til bandet på A Matter of Life and Death Tour.

Gitarsoloen på «Different World» vert spelt av Adrian Smith.

Songen vert nytta i videospelet Tony Hawk's Downhill Jam.

Det kvinnelege hyllestbandet The Iron Maidens spelt ein akustisk versjon av songen på EPen The Root of All Evil i 2006.

Det vart laga to musikkvideoar til «Different World». Den første er ein dataanimert video med Dickinson.^[2] Den andre versjonen syner bandet som spelar songen i studio 1 i Sarm Studios i Vest-London. Delar av denne videoen var med i den første versjonen.^[3]

Amerikansk CD-singel

1. «Different World» (Adrian Smith, Steve Harris) – 4:15
2. «Hallowed Be Thy Name (Radio 1 'Legends' Session)" (Harris) – 7:13
3. «The Trooper (Radio 1 'Legends' Session)" (Harris) – 3:56

Digital singel

Intervjuet med Steve Harris var berre tilgjengeleg om ein førehandsbestilte singelen før 26. desember 2006 gjennom nettsida til Iron Maiden.

1. «Different World» (Recorded live in Aalborg on the A Matter of Life and Death tour, 9. november 2006) (Smith, Harris) – 4:15
2. Interview with Steve Harris on A Matter of Life and Death – 10:38

Europeisk CD-singel

1. «Different World» (Smith, Harris) – 4:15
2. «Iron Maiden» (Recorded live in Copenhagen on the A Matter of Life and Death tour, 10. november 2006) (Harris) – 5:40

Europeisk DVD-singel

1. «Different World» (Smith, Harris) – 4:17
2. «The Reincarnation of Benjamin Breeg» (konsertopptak frå København under A Matter of Life and Death-turneen, 10. november 2006) (Dave Murray, Harris) – 7:47
3. «Hocus Pocus» (Thijs van Leer, Jan Akkerman; Focus-song) – 5:31

Europeisk 7" biletplate

1. «Different World» (Smith, Harris) – 4:15
2. «Fear of the Dark» (Recorded live in Copenhagen on the A Matter of Life and Death tour, 10. november 2006) (Harris) – 7:47

Henta frå CD-omslaget:^[1]

Iron Maiden

• Bruce Dickinson – vokal
• Dave Murray – gitar
• Janick Gers – gitar
• Adrian Smith – gitar, korvokal
• Steve Harris – bassgitar, korvokal, medprodusent (studiosongar), leiande produsent (konsertopptak)
• Nicko McBrain – trommer

Produksjon

• Kevin Shirley – produsent, miksing
• Tony Newton – innspeling, miksing (konsertopptak)
• Howard Greenhalgh – musikkvideoregissør («Different World» video)

• Music video (stream) Arkivert 2006-10-18 ved Wayback Machine.